మహేష్ అందం వెనుక రహస్యాన్ని చెప్పిన నమ్రత

సూపర్ స్టార్ మహేష్ బాబు రోజు రోజుకి హ్యాండ్ సమ్ గా తయారవుతున్నారు. నలభై ఏళ్ళు నిండినా.. పాతికేళ్ల కుర్రోడిలా మెరిసిపోతున్నారు. ఈ అందానికి రహస్యం ఏమిటని అనేకసార్లు మహేష్ ని అడిగినా.. అతను చిరునవ్వు తప్ప సమాధానం చెప్పలేదు. తాజాగా ఆ సీక్రెట్ ని మహేష్ భార్య నమ్రత బయటపెట్టారు. స్వచ్ఛమైన నీటిని తాగడమే మహేష్ అందం వెనుక రహస్యమని చెప్పి ఆశ్చర్యపరిచారు. అవును నేటి పొల్యూషన్ కాలంలో స్వచ్ఛమైన గాలి, నీరు దొరకడం కష్టమయిపోతోంది. అందుకోసమే జపాన్ వాళ్ళు కనిపెట్టిన ఓ నీటి శుద్ధి మిషన్ ని మహేష్ కొనుగోలు చేసారంట. నాలుగు లక్షల విలువైన ఈ మిషన్స్ మహేష్ ఇంట్లో 5 ఉన్నాయి.

ఈ మిషన్స్ శుద్ధి చేసిన నీళ్ళను తాగడమే కాకుండా తన స్నానికి కూడ మహేష్ ఈ మిషన్ వాటర్ నే వాడుతున్నాడని, అందువల్లనే మహేష్ గ్లో ఇప్పటికీ మెరిసిపోతోంది అంటూ నమ్రత ఓ జాతీయ మీడియాకి ఇచ్చిన ఇంటర్వ్యూ లో వెల్లడించింది. ఈ విషయాన్ని ఉపాసనకు రీసెంట్ గా చెప్పడంతో ఆమె కూడా ఈ మిషన్ కి ఆర్డర్ ఇచ్చినట్లు తెలిసింది. ఈ న్యూస్ వైరల్ కావడంతో సెలబ్రిటీలు, వ్యాపార వేత్తలు ఈ వాటర్ ఫ్యూరిఫైర్ మిషన్ కొనుగోలు చేయడానికి సిద్ధమవుతున్నారు.