సూపర్ స్టార్ మహేష్ బాబుకి భారీ రెమ్యునరేషన్

దక్షిణాది సినిమా పరిశ్రమ గర్వించదగ్గ మల్టీ స్టారర్ మూవీ తెరకెక్కనుంది. ఇందుకోసం తమిళ దర్శకుడు సుందర్ కొంతకాలంగా శ్రమిస్తున్నారు. చంద్రకళ, కళావతి వంటి సినిమాలను తీసిన ఈ డైరెక్టర్ నాలుగు చిత్ర పరిశ్రమల హీరోలతో “సంఘ మిత్ర” అనే సినిమాను ప్లాన్ చేస్తున్నారు. ఇందులో నటించడానికి సూపర్ స్టార్ మహేష్ బాబు గ్రీన్ సిగ్నల్ ఇచ్చినట్లు సమాచారం.

ఇప్పుడు కమర్షియల్ డైరక్టర్ ఏఆర్ మురుగ దాస్ దర్శకత్వంలో నటిస్తున్న ప్రిన్స్, దీని తర్వాత కొరటాల శివ, వంశీ పైడి పల్లి తో సినిమాలు చేయనున్నారు. ఆ తర్వాత డేట్స్ కేటాయించడానికి సూపర్ స్టార్ ఆమోదం తెలపడంతో సుందర్ తన డ్రీమ్ ప్రాజక్ట్ పనులను వేగవంతం చేశారు. వెంటనే కోలీవుడ్ నుంచి జయం రవిని సెలక్ట్ చేసిన ఈ డైరక్టర్… మలయాళం, కన్నడ చిత్ర పరిశ్రమలకు చెందిన టాప్ హీరోలను సంప్రదిస్తున్నారు. త్వరలో వారి పేర్లు వెల్లడించనున్నారు. మరో ఆసక్తికర సంగతి ఏమిటంటే ఈ సినిమా కోసం మహేష్ బాబు అత్యధికంగా రెమ్యునరేషన్ తీసుకోనున్నట్లు ఫిల్మ్ నగర్ వాసులు చెప్పుకుంటున్నారు.