రెండుసార్లు అమెరికాకు మహేష్ ‘సర్కారు వారు…’ యూనిట్

అమెరికా అంటే ఇప్పుడు ప్రజలందరూ భయపడుతున్నారు. అగ్ర రాజ్యంలో కరోనా ఆ స్థాయిలో కరతాళ నృత్యం చేసింది మరి. సూపర్ స్టార్ మహేష్ బాబు ఏమాత్రం భయం లేకుండా అమెరికా వెళ్ళడానికి రెడీ అవుతున్నాడు. హీరోగా నటించనున్న కొత్త సినిమా ‘సర్కారు వారి పాట’ కోసం త్వరలో వీసాలు రెడీ చేసుకుని, ఫ్లయిట్ టికెట్ తీసుకోనున్నాడు. ‘గీత గోవిందం’ సినిమాతో బంపర్ హిట్ కొట్టిన పరశురామ్ దర్శకత్వంలో మహేష్ బాబు ‘సర్కారు వారి పాట’ సినిమా చేస్తున్నాడు.

ఈ చిత్రానికి సంబంధించిన ప్రీ లుక్ ఆల్రెడీ రిలీజ్ చేశారు. నవంబర్‌లో అమెరికాలో షూటింగ్ స్టార్ట్ చేయడానికి ప్లాన్ చేశారు. ఫైట్ మాస్టర్లు రామ్-లక్ష్మణ్ నేతృత్వంలో అక్కడ మొదటి షెడ్యూల్‌లో యాక్షన్ సీన్లు, కొంత టాకీ తీయాలని సన్నాహాలు చేశారు. తరవాత నెక్స్ట్ ఇయర్ మార్చిలో మరోసారి యూనిట్ అమెరికా వెళుతుందట. మధ్యలో హైదరాబాద్ తిరిగొచ్చి ఇక్కడ కొంత షూట్ చేయాలని ప్లాన్ చేశారు. కరోనాకు భయపకుండా విదేశాలు వెళ్లి షూటింగ్ చెయ్యడానికి గ్రీన్ సిగ్నల్ ఇచ్చిన మహేష్ బాబును మెచ్చుకోవాలి.

స్టార్ హీరోలు షూటింగ్ ఇలా చెయ్యడానికి ముందుకు వస్తే సినిమా ఇండస్ట్రీలో కార్మికులకు పని దొరుకుతుంది. ఈ సినిమాలో మహేష్ డ్యూయల్ రోల్ చేస్తున్నాడని టాక్. అతడి సరసన కీర్తీ సురేష్ హీరోయిన్ గా సెలెక్ట్ అయ్యిందని వినిపిస్తోంది. అఫీషియల్ గా అనౌన్స్ చెయ్యలేదు. ఈ సినిమాను మైత్రీ మూవీ మేకర్స్, 14 రీల్స్ ప్లస్, జిఎంబి ఎంటర్టైన్మెంట్ ప్రొడ్యూస్ చేస్తున్నాయి. థమన్ మ్యూజిక్ అందిస్తున్నాడు.

Most Recommended Video

వి సినిమా రివ్యూ & రేటింగ్!
టాలీవుడ్ హీరోయిన్స్ రెమ్యూనరేషన్స్ లిస్ట్…!
ఆ చిత్రాలు పవన్ చేసి ఉంటే బాక్సాఫీస్ బద్దలు అయ్యేది..!