మహేష్ బాబులో ఆనందాన్ని నింపిన మెగా శిబిరం

స్పైడర్ టీజర్ అతి తక్కువ సమయంలో పది మిలియన్ వ్యూస్ దక్కించుకున్నందుకు ఉత్సాహంలో ఉన్న మహేష్ బాబు కి మరో విషయం సంతోషాన్ని రెట్టింపు చేసింది. శ్రీమంతుడు సినిమా స్పూర్తితో మహేష్ తన సొంతూరు అయిన బుర్రిపాలెం గ్రామాన్ని దత్తత తీసుకున్నారు. ఆ గ్రామంలో పలు అభివృద్ధి కార్యక్రమాలను కూడా చేపట్టారు. మహేష్ భార్య నమ్రత ఆ గ్రామంలో మౌలిక వసతుల కల్పనకు అవసరమైన చర్యలు తీసుకున్నారు. దగ్గరుండి పనులను పరిశీలించారు. మొన్న మహేశ్‌ పుట్టినరోజు సందర్భంగా అభిమానులు ఆయన పేరుతో బుర్రిపాలెంలో పలు సేవా కార్యక్రమాలను ఏర్పాటు చేశారు. ఇందులో భాగంగా మల్టీ స్పెషాలిటీ వైద్య శిబిరం ఏర్పాటుచేశారు.

ఆ విషయం తెలుసుకున్న మహేష్ చాలా సంతోషపడ్డారు.  తన ఆనందాన్ని సోషల్ మీడియా ద్వారా అభిమానులకు వివరించారు. బుధవారం బుర్రిపాలెంలో మెగా వైద్య శిబిరం నిర్వహించారని తెలిశాక చాలా సంతోషంగా అనిపించిందని చెప్పారు. పలు అనారోగ్య సమస్యలు, వ్యాధులపై అవగాహన కల్పించినందుకు ఆసుపత్రి సిబ్బందిని అభినందించారు. వారితో పాటు ఇప్పటి వరకు గ్రామంలో వైద్య శిబిరాలు నిర్వహించిన వారికి మహేశ్‌ కృతజ్ఞతలు తెలిపారు.

Also, do SUBSCRIBE to our YouTube channel to get latest Tollywood updates.