Mahesh Babu: హీరో మహేష్ ఫస్ట్ క్రష్ ఎవరంటే?

దాదాపు 22 సంవత్సరాలుగా టాలీవుడ్ ఇండస్ట్రీలో నటుడిగా వరుస సినిమా ఆఫర్లతో బిజీగా ఉంటూ మహేష్ బాబు స్టార్ హీరో స్టేటస్ తో కెరీర్ ను కొనసాగిస్తున్నారు.. ప్రస్తుతం పరశురామ్ డైరెక్షన్ లో సర్కారు వారి పాటలో నటిస్తున్న మహేష్ బాబు ఈ సినిమా తర్వాత త్రివిక్రమ్ డైరెక్షన్ లో ఒక సినిమాలో, రాజమౌళి డైరెక్షన్ లో ఒక సినిమాలో నటించనున్నారు. అయితే ఈ హీరో ఫస్ట్ క్రష్ ఎవరనే సంగతి అభిమానులలో చాలామందికి తెలియదు.

ఊహ తెలిసిన తర్వాత మహేష్ బాబు మొదట హాలీవుడ్ నటి డెమీ మూర్ ను అభిమానించారు. అయితే మహేష్ ఫస్ట్ క్రష్ మాత్రం నమ్రత కావడం గమనార్హం. 26 సంవత్సరాల వయస్సులో తొలిసారి నమ్రతతో ప్రేమలో పడ్డానని మహేష్ బాబు ఒక సందర్భంలో చెప్పుకొచ్చారు. వంశీ సినిమాలో మహేష్, నమ్రత కలిసి నటించారు. ఈ సినిమా అభిమానులు ఆశించిన స్థాయిలో సక్సెస్ కాకపోయినా మహేష్, నమ్రత మాత్రం ఈ సినిమా వల్లే ఒకరినొకరు ప్రేమించుకుని పెళ్లి చేసుకున్నారు.

పెళ్లి తర్వాత నమ్రత సినిమాలకు దూరమైన సంగతి తెలిసిందే. అయితే మహేష్ సినిమాలో నమ్రత నటిస్తే బాగుంటుందని మహేష్ అభిమానులు కోరుకుంటున్నారు. మహేష్ బాబు ఫ్యాన్స్ కోరిక ఎప్పటికి నెరవేరుతుందో చూడాల్సి ఉంది. మరోవైపు మహేష్ బాబు నవ్యత ఉన్న కథలకు ప్రాధాన్యతనిస్తున్నారు. సక్సెస్ సాధించే కథలనే ఎంచుకుంటూ మహేష్ బాబు కెరీర్ ను చక్కగా ప్లాన్ చేసుకుంటున్నారు. ప్రస్తుతం మహేష్ నటిస్తున్న సర్కారు వారి పాట వచ్చే ఏడాది సంక్రాంతి పండుగకు రిలీజ్ కానుండటం గమనార్హం.

Most Recommended Video

విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!