Mahesh Babu: తన గ్లామర్ సీక్రెట్ ఏంటో చెప్పేసిన మహేష్ బాబు?

టాలీవుడ్ సూపర్ స్టార్ మహేష్ బాబు త్వరలోనే గుంటూరు కారం సినిమా ద్వారా ప్రేక్షకుల ముందుకు రాబోతున్న సంగతి మనకు తెలిసిందే. ఈ సినిమా సంక్రాంతి పండుగను పురస్కరించుకొని జనవరి 12వ తేదీ విడుదల కాబోతుంది. ఈ క్రమంలోనే ప్రమోషన్ కార్యక్రమాలను కూడా వేగవంతం చేశారు. అయితే ఇటీవల న్యూ ఇయర్ సందర్భంగా మహేష్ బాబు దుబాయ్ వెళ్లిన సంగతి తెలిసిందే. ఇలా తన వెకేషన్ పూర్తి చేసుకున్నటువంటి మహేష్ బాబు ప్రస్తుతం గుంటూరు కారం సినిమా ప్రమోషన్ కార్యక్రమాలలో బిజీగా ఉన్నారు.

ఈ క్రమంలోనే ఒక ఇంటర్వ్యూలో పాల్గొన్నటువంటి మహేష్ బాబు తన వ్యక్తిగత విషయాలను వెల్లడించారు. కెరియర్ మొదట్లో నా సినిమాలు పెద్దగా ఆడేవి కాదు కృష్ణ గారి అబ్బాయి అంటూ నాపై ఒత్తిడి కూడా ఎక్కువగా ఉండేది అందుకే రెమ్యూనరేషన్ కోసం ఆలోచించకుండా సినిమాలు చేశానని ఒక్కడు సినిమా తర్వాత నాకు ధైర్యం వచ్చిందని మహేష్ బాబు తెలిపారు. నేను నా సర్కిల్లో పూర్తిగా వేరుగా ఉంటానని.. నవ్వుతూ, కబుర్లు చెబుతూ సరదాగా గడుపుతానని చెప్పుకొచ్చాడు.

ఇక్కడ నేను ఫ్రీ గా తిరగలేను అందుకే విదేశాలకు తరచూ వెళ్తూ ఉంటానని విదేశాలకు వెళ్లి వచ్చిన తర్వాత నేను ఫుల్ గా రీచార్జ్ అయినట్టు ఫీల్ అవుతానని ఈయన తెలిపారు. ఇక నాన్నను చూస్తూ పెరగటం వల్ల నాలో కూడా అదే క్రమశిక్షణ వచ్చిందని ఈయన వెల్లడించారు. నేను ఎప్పుడూ సరదాగా నవ్వుతూ ఉంటాను అదే నాకు గ్లామర్ సీక్రెట్ అంటూ మహేష్ బాబు ఈ సందర్భంగా తన గ్లామర్ సీక్రెట్ ఏంటో కూడా బయటపెట్టారు.

నా బెస్ట్ ఫ్రెండ్ నా భార్య నమ్రత అని నాకు నచ్చే ట్రిప్ యూరప్ నచ్చే కలర్ బ్లూ కలర్ అంటూ కూడా తన విషయాలన్నింటినీ మహేష్ తెలిపారు మురారి సినిమా విడుదల సమయంలో నాన్నతో కలిసి నేను థియేటర్ కి వెళ్ళాను ఆ సమయంలో ప్రేక్షకులను నుంచి ఎలాంటి రెస్పాన్స్ వస్తుందోనని టెన్షన్ పడుతూ ఉన్నాను కానీ నాన్న మాత్రం నా భుజంపై చెయ్యి వేశారు. ఆ క్షణం నేను ఇప్పటికి మర్చిపోలేనని ఈ సందర్భంగా (Mahesh Babu) మహేష్ ఎన్నో విషయాలను తెలియజేస్తూ చేసిన ఈ కామెంట్స్ వైరల్ అవుతున్నాయి.

ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!

ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!