శ్రీమంతుడు కాంబినేషన్లో మరో మూవీ

రెండు సినిమాలతోనే కొరటాల శివ టాలీవుడ్ టాప్ డైరక్టర్లలో జాబితాలో చేరారు. ఆయన తెరకెక్కించిన  మిర్చి, శ్రీమంతుడు సినిమాలు భారీ కలెక్షన్లతో పాటు .. సందేశాన్ని అందించిన మంచి చిత్రాలుగా నిలిచాయి. ప్రస్తుతం యంగ్ టైగర్ ఎన్టీఆర్ తో జనతా గ్యారేజ్ చిత్రం చేస్తున్నారు. ఈ సినిమా కూడా రికార్డులను తిరగ రాసే దిశగా రూపుదిద్దుకుంటోందని సమాచారం. ఇప్పటికే ఈ ఫిల్మ్ 80 శాతం పూర్తయింది. మిగిలిన కొన్ని సీన్లు, 4 పాటలను విదేశాల్లో చిత్రీకరించనున్నారు. జనతా గ్యారేజ్ ని ఆగస్టు 12 న రిలీజ్ చేయడానికి చిత్ర బృందం శ్రమిస్తోంది. ఈ సినిమా తర్వాత ఎవరితో చేస్తారో కొరటాల శివ ఇంత వరకు చెప్పలేదు. యువ హీరోలు కొరటాల శివ దర్శకత్వంలో చేయడానికి ఉత్సాహంగా ఉన్నారు. కానీ ఆయన మాత్రం సూపర్ స్టార్ కోసం కథను సిద్ధం చేసినట్లు సమాచారం.

ఇప్పటికే మహేష్ కథ విన్నారని.. డెవలప్ చేయమని గ్రీన్ సిగ్నల్ కూడా ఇచ్చారని ఫిల్మ్ నగర్ టాక్. జనతా గ్యారేజ్ రిలీజ్ అయినా వెంటనే మహేష్ సినిమా స్క్రిప్ట్ పనిలో కొరటాల శివ  నిమగ్నం అవుతారు. ప్రస్తుతం మహేష్ బాబు మురుగదాస్ దర్శకత్వంలో రానున్న సినిమా పనుల్లో బిజీగా ఉన్నారు. జులై 15 నుంచి సెట్స్ మీదకు వెళ్లనుంది. ఈ ప్రాజక్ట్  పూర్తికాగానే కొరటాల స్క్రిప్ట్ చర్చల్లో కూర్చుంటారని వినికిడి. శ్రీమంతుడు కాంబినేషన్లో రానున్న మూవీని డీవీవీ దానయ్య నిర్మించనున్నారు. అంత ఒకే అయితే జనవరిలోనే ఈ చిత్రం సెట్స్ మీదకు వెళుతుందని సినీ వర్గాల వారు చెబుతున్నారు.