మహేష్ బాబు ప్లాన్ మామూలుగా లేదుగా ..!

సూపర్ స్టార్ మహేష్ బాబు తన సినిమా స్థాయిని పెంచడానికి అడుగులు వేస్తున్నారు. తెలుగులో విజయం సాధిస్తే చాలని మొన్నటి వరకు ఆలోచించిన ప్రిన్స్ ఇతర భాషల్లోనూ హిట్ సొంతం చేసుకోవాలని ప్లాన్ వేస్తున్నారు. అందుకే తమిళ దర్శకుడు ఏఆర్ మురుగదాస్ తో ద్విభాషా చిత్రం చేస్తున్నారు. ఈ డైరక్టర్ కి తమిళంలో మంచి క్రేజ్ ఉంది. అందుకే అతనితో కలిసి కోలీవుడ్ లోకి తొలి అడుగు వేస్తున్నారు. అంతేకాదు మురుగదాస్ కి హిందీలోనూ మంచి పేరు ఉంది. సో ఈ మూవీని హిందీలోనూ రిలీజ్ చేయాలనీ మహేష్ ఫిక్స్ అయ్యారు. అదేవిధంగా మళయాలం లోకి డబ్ చేయమని నిర్మాతలకు మహేష్ చెప్పినట్లు తెలిసింది.

తెలుగు, తమిళంలో స్ట్రైట్ సినిమాగా రిలీజ్ కాబోతుండగా, హిందీ, మలయాళంలో అనువాద చిత్రంగా థియేటర్ లో సందడి చేయనుంది. ఇలా మార్కెట్‌పై మహేష్ మాస్టర్ ప్లాన్ చూసి టాలీవుడ్ సినీ వర్గాలవారు ఆశ్చర్యపోతున్నారు. ఒక్క భాషలోనే వందకోట్లు అవలీలగా వసూలు చేయగల మహేష్ సినిమా, నాలుగు భాషల్లో రిలీజ్ అవుతుంటే ఇంకెంత వసూలు చేస్తుందోనని లెక్కలు వేస్తున్నారు. భారీ అంచనాలు నెలకొన్న మహేష్ 23 మూవీ జూన్ 23 న రిలీజ్ కానుంది.

Also, do SUBSCRIBE to our YouTube channel to get latest Tollywood updates.