టాలీవుడ్ లో బెస్ట్ కపుల్ ఎవరంటే.. అందరికీ మొదట గుర్తొచ్చేది మహేష్, నమ్రత లే అని చెప్పాలి. 2000వ సంవత్సరంలో వచ్చిన ‘వంశీ’ చిత్రం ద్వారా నమ్రత తెలుగు ప్రేక్షకులకు పరిచయమైంది. బి.గోపాల్ డైరెక్షన్లో తెరకెక్కిన ఆ చిత్రం ద్వారానే వీరిద్దరికీ పరిచయం ఏర్పడడం, అది కాస్త ప్రేమగా మారి పెళ్లి వరకూ వెళ్లినట్టు తెలుస్తుంది. నిజానికి నమ్రత మహేష్ ను పెళ్లి చేసుకోవడానికి ముందు.. అతను సూపర్ స్టార్ కాలేదు. వరుస పెట్టి సినిమాలు చేసేవాడు కానీ.. అందులో సక్సెస్ అయినవి చాలా తక్కువ. నమ్రతను పెళ్లి చేసుకున్నాకే.. మహేష్ సూపర్ స్టార్ అయ్యాడు.
ఇదిలా ఉండగా.. ఇప్పుడు మహేష్ సినిమాల ప్రమోషన్లను.. ‘నమ్రతనే దగ్గరుండి చూసుకుంటుంది’ అలాగే మహేష్ కాస్ట్యూమ్స్ వంటివి కూడా నమ్రత దగ్గరుండి డిజైన్ చేయిస్తుందని’ మహేష్ ఓ సందర్భంలో చెప్పుకొచ్చిన సంగతి తెలిసిందే. అయితే తాజాగా తన అభిమానులతో ముచ్చటించిన నమ్రత తన ఫ్యామిలీ గురించి.. కొన్ని ఆసక్తికరమైన విషయాల్ని చెప్పుకొచ్చింది. నమ్రత మాట్లాడుతూ.. ‘నా జీవితంలో బెస్ట్ ఫేజ్ ఇద్దరు బిడ్డలకు జన్మనివ్వడమే.! మా మావయ్య సూపర్ స్టార్ కృష్ణ ఎంతో కూల్. ఆయన నన్ను నా సొంత తండ్రి కన్నా బాగా చూసుకుంటారు.
మా అత్తయ్య ఇందిరా గారైతే ప్రేమకు చిహ్నం’ అంటూ చెప్పుకొచ్చింది నమ్రత. ఈ క్రమంలో మహేష్ బాబుతో మరోసారి సినిమా చేస్తారా? అని అడగగా.. ‘బహుశా అది జరక్కపోవచ్చని’ చెప్పి షాకిచ్చింది.’ఇక ‘మహేష్ సినిమాల విషయంలో నాదే ఫైనల్ డిసిషన్’ అని అంతా అంటుంటారు.కానీ నా ప్రమేయం అస్సలు ఉండదు’ అంటూ క్లారిటీ ఇచ్చింది. ఇక లవ్ స్టోరీ గురించి స్పందిస్తూ.. ‘నాకు మహేష్ కు మధ్య లవ్ న్యూజిలాండ్లో మొదలైంది. ‘వంశీ’ షూటింగ్ చివర దశలో ఉన్నప్పుడు.. ఆయనతో ప్రేమలో ఉన్న విషయం తెలిసింది. కానీ ఎవరు ముందు ప్రపోజ్ చేసారనేది నాకు ఇంకా కన్ఫ్యూజనే’ అంటూ చెప్పుకొచ్చింది.
Most Recommended Video
మన టాలీవుడ్ డైరెక్టర్లు లేడీ అవతారాలు ఎత్తితే ఇలానే ఉంటారేమో !!
చిరు ఫ్యాన్స్ ను నిరాశ పరిచిన సినిమాలు ఇవే..!
ఆ డైరెక్టర్లకు ఛాన్స్ ఇచ్చింది మన రవితేజనే..!
మన హీరోలు అందమైన అమ్మాయిలుగా మారితే ఇలాగే ఉంటారేమో!
