కొత్త లుక్ తో ఆశ్చర్యపరచనున్న మహేష్!

సూపర్‌ స్టార్ మహేష్ బాబు అద్భుతమైన నటుడిగా అందరితో ప్రసంశలు అందుకున్నారు. సాహసాలు చేయడంలో వెనుకడుగువేయరు. ప్రయోగాత్మక కథల్లోనూ నటిస్తుంటారు. కానీ లుక్ విషయంలో మాత్రం ప్రయోగాలు చేయరు. సిక్స్ ప్యాక్ చూపించడానికి సిగ్గుపడుతారు. హెయిర్, బియర్డ్ స్టైల్స్ ని అసలు ఫాలో అవ్వరు. ఇదొక్కటే అభిమానులను బాధిస్తుంటుంది. అయితే ఆ లోటుని తన 25 వ చిత్రం ద్వారా తీర్చనున్నట్లు తెలిసింది. వంశీ పైడిపల్లి దర్శకత్వంలో చేస్తున్న ఈ సినిమా షూటింగ్ త్వరలో డెహ్రాడూన్ లోని కాలేజ్ లో మొదలుకాబోతోంది. ఇందులో ఫ్రెంచ్ గడ్డం, మీసంతో కనిపించనున్నారు.

ఫస్ట్ లుక్ రావాలంటే మరో నెల రోజులు సమయం పడుతుంది. అంతకంటే ముందుగానే అతని లుక్ చూసే అవకాశం ఉంది. ఈనెల పదవతేదీన డబ్బింగ్ ఆర్టిస్ట్‌ అసోషియేషన్‌ సిల్వర్‌ జూబ్లీ వేడుకల్లో మహేష్ పాల్గొననున్నారు. అప్పుడు మహేష్ లుక్ రివీల్ అయ్యే ఆస్కారం ఉంది. అలాగే సుధీర్‌ బాబు హీరోగా తెరకెక్కుతున్న “సమ్మెహనం” సినిమా ప్రీ రిలీజ్‌ వేడుకకు కూడా మహేష్ హాజరయ్యే అవకాశం ఉంది. ఈ రెండు సందర్భాల్లో మహేష్ న్యూ లుక్ ని ఫ్యాన్స్ చూడనున్నారు. భరత్ అనే నేను సినిమా ఇచ్చిన విజయాన్ని ఆస్వాదిస్తున్న మహేష్.. ఈ సారి అపజయం పలకరించకుండా ఉండాలని మరిన్ని జాగ్రత్తలు తీసుకుంటున్నారు.