పోకిరి, దూకుడు, శ్రీమంతుడు ఇండస్ట్రీ హిట్స్ తో టాలీవుడ్ ఇండస్ట్రీలో మహేష్ బాబు నటుడిగా సత్తా చాటుతున్నారు. చాలామంది టాలీవుడ్ హీరోలు బాలీవుడ్ ఇండస్ట్రీపై ఆసక్తి చూపుతున్నా మహేష్ బాబు మాత్రం టాలీవుడ్ కే ఎక్కువగా ప్రాధాన్యతనిస్తున్నారు. తాజాగా ఒక ఇంటర్వ్యూలో సూపర్ స్టార్ కృష్ణకు మహేష్ ను బాలీవుడ్ కు పరిచయం చేసే ఆలోచన ఉందా..? అనే ప్రశ్న ఎదురైంది. ఆ ప్రశ్నకు కృష్ణ స్పందిస్తూ ఆసక్తికర విషయాలను వెల్లడించారు.
బాలీవుడ్ లో పాతాళ భైరవి సినిమాను మహేష్ బాబుతో తెరకెక్కించాలని అనుకున్నామని అయితే మహేష్ బాబు మాత్రం ఆసక్తి చూపలేదని కృష్ణ అన్నారు. తాను చాలాసార్లు మహేష్ ను బాలీవుడ్ సినిమాలో నటించాలని అడిగానని మహేష్ మాత్రం అంగీకరించలేదని కృష్ణ తెలిపారు. బాలీవుడ్ కు వెళ్లడం మహేష్ కు ఇష్టం లేదని కృష్ణ తేల్చి చెప్పారు. ప్రస్తుతం టాలీవుడ్ లో మహేష్ నంబర్ 1 హీరోగా ఉన్నాడని ఆయన అన్నారు.
బాలీవుడ్ లో నలుగురిలో ఒకడిగా ఉండటం మహేష్ కు ఇష్టం లేదని కృష్ణ అన్నారు. రాజమౌళి సినిమాలో నటించిన తర్వాత పాన్ ఇండియా హీరోగా ఇమేజ్ వచ్చినా బాలీవుడ్ ఇండస్ట్రీలో స్ట్రెయిట్ సినిమాల్లో నటించే అవకాశం అయితే లేదని తెలుస్తోంది. మహేష్ బాబు భవిష్యత్తులోనైనా బాలీవుడ్ సినిమాల విషయంలో మనస్సు మార్చుకుంటారో లేదో చూడాల్సి ఉంది. ప్రస్తుతం సర్కారు వారి పాట సినిమాలో నటిస్తున్న మహేష్ బాబు ఈ సినిమా తర్వాత త్రివిక్రమ్ డైరెక్షన్ లో ఒక సినిమాలో నటిస్తున్నారు.
Most Recommended Video
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
