స్పైడర్ ఫెయిల్ అవ్వడానికి కారణాలు చెప్పిన మహేష్ బాబు

స్పైడర్ సినిమాతో కోలీవుడ్ లోను మంచి తెచ్చుకోవాలని సూపర్ స్టార్ మహేష్ బాబు ఆశించారు. కమర్షియల్ డైరక్టర్ మురుగదాస్ తో కలిసి కష్టపడ్డారు. వందకోట్లతో ఏకకాలంలో తెలుగు, తమిళ భాషల్లో తెరకెక్కిన ఈ మూవీ ఘోరంగా పరాజయం పాలైంది. అసలే బ్రహ్మోత్సవం దెబ్బకి బయటికిరావడాన్ని తగ్గించిన మహేష్ స్పైడర్ ఫెయిల్ కావడంతో మీడియాతో మాట్లాడటమే మానేశారు. అతను తాజాగా కొరటాల శివ దర్శకత్వంలో చేసిన భరత్ అనే నేను నిన్న రిలీజ్ అయి సూపర్ హిట్ టాక్ సొంతం చేసుకుంది. దీంతో మీడియా ముందుకు వచ్చిన మహేష్ స్పైడర్ గురించి నోరు విప్పారు. “స్పైడర్ విషయంలో మేం చాలా తప్పులు చేశాం.

మరీ ముఖ్యంగా తెలుగు, తమిళ భాషల్లో ఒకేసారి ఆ సినిమా చేయాలనుకోవడం తప్పు. తమిళ నేటివిటీకి తగ్గట్టు సినిమాను మార్చే క్రమంలో చాలా మార్పులు చేశాం. నటీనటుల ఎంపిక నుంచి కథలో కూడా మార్పులు జరిగాయి. దీంతో అది మన ఆడియన్స్ టేస్ట్ కు సూట్ అవ్వలేదు. తెలుగు ప్రేక్షకుల అభిరుచికి తగ్గట్టు స్పైడర్ తెరకెక్కడం లేదనే విషయం గ్రహించేసరికి చాలా ఆలస్యమైపోయింది. అప్పటికి ఏమీ చేయలేని పరిస్థితుల వల్ల అలా రిలీజ్ చేశాము” అని వివరించారు. అపజయాన్ని ఎవరిపైనో నెట్టేసి.. తాను సేఫ్ జోన్ లోకి వెళ్లకుండా వాస్తవాన్ని బయటిపెట్టి మహేష్ మరోసారి సూపర్ స్టార్ అనిపించుకున్నారు.