టాలీవుడ్ సూపర్ స్టార్ మహేష్ బాబు ఈ ఏడాది ‘సర్కారు వారి పాట’ చిత్రంతో ప్రేక్షకుల ముందుకు వచ్చాడు. ఈ మూవీ సెట్స్ లో ఉన్న టైంలోనే.. ‘రాజమౌళి తన నెక్స్ట్ సినిమా మహేష్ బాబుతో ఉంటుందని’ అనౌన్స్ చేశాడు. మహేష్ కూడా ఈ విషయం పై స్పందించాడు. అయితే ఊహించని విధంగా మధ్యలో త్రివిక్రమ్ తో మహేష్ సినిమా ఓకే చేసుకున్నాడు. ‘అతడు’ ‘ఖలేజా’ తర్వాత మహేష్- త్రివిక్రమ్ కాంబినేషన్లో రూపొందనున్న మూవీ కావడంతో ఈ ప్రాజెక్టు పై భారీ అంచనాలే నెలకొన్నాయి.
మొదట ఈ చిత్రాన్ని 2023 సంక్రాంతి కానుకగా ప్రేక్షకుల ముందుకు తీసుకురావాలని అనుకున్నారు. కానీ పాన్ ఇండియా ప్రాజెక్టుగా రూపొందుతుంది కాబట్టి 2023 సమ్మర్ కు రిలీజ్ చేస్తున్నట్టు మేకర్స్ ప్రకటించారు. రాజమౌళితో సినిమా సెట్స్ పైకి వెళ్ళాలి అంటే ఇంకా చాలా టైం పడుతుంది. స్క్రిప్ట్ ఇంకా ఫైనల్ అవ్వలేదు. ఇక ప్రీ ప్రొడక్షన్ వర్క్ కు 6 నెలల వరకు సమయం తీసుకుంటాడు జక్కన్న. కాబట్టి.. త్రివిక్రమ్ మూవీ తర్వాత మహేష్ ..
ఇంకో మూవీ చేసే అవకాశాలు కూడా ఉన్నాయనేది ఇన్సైడ్ టాక్. మహేష్ తో ఇంకో సినిమా చేయడానికి అనిల్ రావిపూడి, పరశురామ్ లు రెడీగా ఉన్నారు. అయితే ఈ లిస్ట్ లోకి తాజాగా సురేందర్ రెడ్డి కూడా ఎంట్రీ ఇచ్చినట్లు తెలుస్తుంది. గతంలో సురేందర్ రెడ్డి- మహేష్ బాబు కాంబినేషన్లో ‘అతిథి’ అనే చిత్రం వచ్చింది. ఈ సినిమా ప్లాప్ అయ్యింది. కమర్షియల్ గా ఓకే అనిపించినప్పటికీ అభిమానులు బాగా డిజప్పాయింట్ అయ్యారు. అయినప్పటికీ ఈ కాంబోలో ‘మిస్టర్ పర్ఫెక్ట్’ అనే మరో సినిమా రాబోతుందని కూడా అధికారిక ప్రకటన వచ్చింది.
కానీ అది అనౌన్స్మెంట్ తోనే ఆగిపోయింది. అయితే తాజా సమాచారం ప్రకారం.. సురేందర్ రెడ్డి ఇటీవల మహేష్ ను కలిసి ఓ కథ చెప్పాడట. అలవాటు ప్రకారం మహేష్ బౌండ్ స్క్రిప్ట్ తో రమ్మని చెప్పాడట. కానీ సురేందర్ రెడ్డి చెప్పిన పాయింట్ మాత్రం మహేష్ ను బాగా ఎక్సయిట్ చేసినట్టు వినికిడి. అన్నీ అనుకున్నట్లు జరిగితే ఈ ప్రాజెక్టు సెట్ అయ్యే అవకాశాలు ఉన్నాయి. ప్రస్తుతం సురేందర్ రెడ్డి.. అఖిల్ తో ‘ఏజెంట్’ అనే చిత్రాన్ని తెరకెక్కిస్తున్నాడు.
Most Recommended Video
అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
