మురుగదాస్ దర్శకత్వంలో సూపర్ స్టార్ మహేష్ బాబు చేస్తున్న స్పైడర్ మూవీ టీజర్ జూన్ ఫస్ట్ న రిలీజ్ అయి విశేషంగా ఆకట్టుకుంది. అయితే ఇందులో సినిమాలోని షాట్స్ ఏమి లేకపోవడంతో ఫ్యాన్స్ కొంత నిరాశ చెందారు. వారి కోసం చిత్రం బృందం సెకండ్ టీజర్ ని సిద్ధం చేసింది. మూవీలోని షాట్స్ ఇందులో చూపించనున్నారు. ఒక నిముషం నిడివిగల రెండో టీజర్ ని మహేష్ బాబు కూతురు సితార పుట్టినరోజు (జులై 20 )న విడుదల చేయాలని భావిస్తున్నారు. అలాగే ఈ మూవీ ట్రైలర్ మహేష్ బాబు పుట్టినరోజైన ఆగస్టు 9 న ట్రైలర్ రిలీజ్ చేయనున్నారు.
ఫిట్ బ్యూటీ రకుల్ ప్రీత్ సింగ్ హీరోయిన్ గా, ఎస్.జె.సూర్య విలన్ గా నటిస్తున్న ఈ చిత్రానికి హరీష్ జయరాజ్ సరికొత్త ట్యూన్స్ ఇస్తున్నారు. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై ఎన్.వి.ప్రసాద్ నిర్మిస్తున్న ఈ చిత్రం ఒక్క పాట మినహా షూటింగ్ మొత్తం పూర్తి చేసుకుంది. మిగిలిన ఒక పాటను వచ్చే నెల మొదటి వారంలో కంప్లీట్ చేసి, సినిమాని సెప్టెంబర్ 27 న థియేటర్లోకి తీసుకురానున్నారు.
Also, do SUBSCRIBE to our YouTube channel to get latest Tollywood updates.
