సూపర్ స్టార్ మహేష్ బాబుకి పరోక్షంగా అల్లు అర్జున్ పోటీ ఇస్తున్నారు. మహేష్ అభి బస్ ని ప్రమోట్ చేస్తుంటే.. బన్నీ రెడ్ బస్ కి ప్రచారం చేస్తున్నారు. అల్లు అర్జున్ హీరో వాహనాలకు ప్రకటన చేస్తుంటే.. మహేష్ టీవీఎస్ బైక్స్ కి యాడ్స్ చేస్తున్నారు. ఇప్పుడు ప్రత్యక్షంగా పోటీ పడబోతున్నారు. ప్రస్తుతం మహేశ్ బాబు.. మురుగదాస్ దర్శకత్వంలో ‘స్పైడర్’ సినిమా చేస్తున్నారు. ఇది సెప్టెంబర్ లో రిలీజ్ కానుంది. అల్లు అర్జున్ దువ్వాడ జగన్నాథమ్’ చిత్రం షూటింగ్ పూర్తి చేసుకొని వచ్చే నెలలలో థియేటర్లోకి రానుంది. ఈ సినిమాల తర్వాత వీరిద్దరూ కొత్త చిత్రాలను మొదలెట్టనున్నారు.
కొరటాల శివ దర్శకత్వంలో మహేష్ బాబు ‘భరత్ అనే నేను’ సినిమా, వక్కంతం వంశీతో బన్నీ ‘నా పేరు సూర్య నా ఊరు ఇండియా’ సినిమా చేయబోతున్నారు. వీటిని వచ్చే ఏడాది సంక్రాంతికి రిలీజ్ చేయాలనీ దర్శకనిర్మాతలు ఫిక్స్ అయ్యారు. ఈ రెండూ జనవరి 11 విడుదలవుతుందని ఫిలిం నగర్ వాసులు చెబుతున్నారు. సో 2018 సంక్రాంతి మరింత మజా ని అందించనుంది. మరి ఈ వార్ లో గెలుపు ఎవరిదో..!!
Also, do SUBSCRIBE to our YouTube channel to get latest Tollywood updates.
