ఈ మధ్య ఫ్యాన్ మేడ్ పోస్టర్ ట్రెండ్ సదరు హీరో ఫ్యాన్స్ కి ఫుల్ కిక్ ఇస్తుంది. కొద్దిరోజుల క్రితం దర్శక ధీరుడు రాజమౌళి ఆర్ ఆర్ ఆర్ తరువాత తన మూవీ మహేష్ తో ఉంటుందని తెలియజేశారు. ఆ విషయం ప్రకటించినప్పటి నుండి మహేష్ ఫ్యాన్స్ లో ఎక్కడ లేని సంతోషం మరియు క్యూరియాసిటీ పెరిగిపోయాయి. ఆ చిత్ర కథ మరియు జోనర్ పై వారికి అనేక సందేహాలు తలెత్తుతున్నాయి. రాజమౌళి మాత్రం ఈ మూవీ కథపై ఎటువంటి హింట్ ఇవ్వలేదు. పైగా అసలు కథ కూడా సిద్ధం కాలేదు, మహేష్ కోసం ఆర్ ఆర్ ఆర్ తరువాత సిద్ధం చేస్తాను అని ఆయన చెప్పారు. ఆయన అలా స్పందించిన తరువాత కూడా ఫ్యాన్స్ తమ క్రియేటివిటీకి బ్రేక్ వేయడం లేదు. వారికి నచ్చిన ఆలోచనతో రకరకాల ఫ్యాన్ మేడ్ పోస్టర్స్ సిద్ధం చేస్తున్నారు.
ఐతే వీటిలో తాజా పోస్టర్ సూపర్ వైరల్ అవుతుంది. ఆ పోస్టర్ చూసిన ఫ్యాన్స్ వాహ్ అంటున్నారు. దానికి కారణం ఆ పోస్టర్ లో ఆర్టిస్ట్, మహేష్ ని రాముడిగా తీర్చిదిద్దారు. ఒక వేళ రాజమౌళి , మహేష్ తో రామాయణం చేస్తే రాముని లుక్ ఇలా ఉంటుంది అన్నట్లు ఆ పోస్టర్ వుంది. ఇక సిక్స్ ప్యాక్ బాడీతో రాముడిగా మహేష్ లుక్ అద్భుతంగా ఉంది. కల్పితం అయితే ఏమి, ఆలోచన బాగుంది అని ఫ్యాన్స్ పండగ చేసుకున్నారు. మహేష్ ఫ్యాన్ వర్గాలలో ఆ పోస్టర్ ఇప్పుడు సంచలనంగా మారింది.
నిజానికి రాజమౌళి తనకు రామాయణం తీయడంపై అంత ఆసక్తి లేదు అన్నారు. ఆయన డ్రీం ప్రాజెక్ట్ గా మహా భారతం ఉంది. అయినప్పటికీ ఫ్యాన్స్ మాత్రం రాజమౌళి రామాయణంలో మహేష్ ని రాముణ్ణి చేశారు. ఇక మహేష్ త్వరలో తన నూతన చిత్ర ప్రకటన చేయనున్నారు.
Most Recommended Video
అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
తెలుగు హీరోలను చేసుకున్న తెలుగురాని హీరోయిన్స్
రానా కు కాబోయే భార్య గురించి ఎవరికీ తెలియని విషయాలు!
