లండన్లో సిద్ధమవుతున్న మహేష్, మురుగుదాస్ సినిమా టీజర్

సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ కాంబినేషన్లో వస్తున్న మూవీ 80 శాతం షూటింగ్ పూర్తిచేసుకుంది. ఏక కాలంలో తెలుగు, తమిళ భాషల్లో తెరకెక్కుతున్న ఈ మూవీలో ప్రిన్స్ ఇన్వెస్ట్ గేషన్ ఆఫీసర్ గా నటిస్తున్నారు. అతనికి జోడీగా ఫిట్ బ్యూటీ రకుల్ ప్రీత్ సింగ్ ఆడి పాడనుంది. జాతీయ అవార్డు గ్రహీత సినిమాటోగ్రాఫర్ సంతోష్ శివన్ పనిచేస్తున్న ఈ చిత్రం ప్రస్తుతం ముంబయిలో చిత్రీకరణ జరుపుకుంటోంది. టెర్రరిస్టులతో హీరో పోరాడే యాక్షన్ సీన్ ని తెరకెక్కిస్తున్నారు. ఇదే సమయంలో ఈ మూవీ టీజర్ ని లండన్లో కట్ చేస్తున్నారు. హాలీవుడ్ గ్రాఫిక్స్ నిపుణుల ఆధ్వర్వంలో ముప్పై సెకన్ల టీజర్ కి మెరుగులు దిద్దుతున్నారు. ఫస్ట్ లుక్ కూడా ముస్తాబు అవుతోందని తెలిసింది.

ఇప్పటి వరకు టైటిల్ కూడా ప్రకటించని ఈ మూవీ ఫస్ట్ లుక్, టీజర్ లను ఒకే సారి తెలుగు, తమిళంలో విడుదల చేయనున్నారు. ఠాగూర్ మధు, ప్రసాద్ లు సంయుక్తంగా నిర్మిస్తున్న ఈ మూవీలో మహేష్ లుక్ చూడాలని అభిమానులు ఆతృతగా ఎదురుచూస్తున్నారు. ఈ ఫిల్మ్ పై భారీ అంచనాలు పెట్టుకున్నారు. వారి అంచనాలకు మించి ఉండేలా సినిమాను మురుగదాస్ రూపొందిస్తున్నారు. టీజర్ రిలీజ్ డేట్ ని త్వరలో అధికారికంగా చిత్ర బృందం ప్రకటించనుంది.

Also, do SUBSCRIBE to our YouTube channel to get latest Tollywood updates.