మే నుంచి రెగ్యులర్ షూటింగ్ కి వెళ్లనున్న మహేష్, కొరటాల సినిమా

సూపర్ స్టార్ మహేష్ బాబు ప్రస్తుతం మురుగదాస్ దర్శకత్వంలో నటిస్తున్నారు. ఈ మూవీ షూటింగ్ దాదాపు పూర్తి కావచ్చింది. రెండు పాటలు మినహా టాకీ పార్ట్ మొత్తం కంప్లీట్ అయినట్లు సమాచారం. దీని తర్వాత  కొరటాల శివ ప్రాజక్ట్ ను మహేష్ పట్టాలెక్కించనున్నారు. అందుకే కొరటాల ప్రీ ప్రొడక్షన్ పనులను పక్కాగా పూర్తి చేశారు. కొన్నిరోజుల క్రితం ఆ స్క్రిప్ట్ పై డిస్కషన్ నిర్వహించడానికి  హీరో, డైరక్టర్ మలేషియా  వెళ్లి కథను ఓ కొలిక్కి తీసుకొచ్చారు. “భరత్ అను నేను” అనే పేరుని పరిశీలిస్తున్న ఈ చిత్రాన్ని మార్చిలో మొదలు పెట్టాలని అనుకున్నారు.  ఇంకా మురుగదాస్ షూటింగ్ కొనసాగుతుండడంతో మే కి వాయిదా వేశారు. ఐదవ నెల నుంచి మహేష్ 24  మూవీ రెగ్యులర్ షూటింగ్ జరుపుకోనున్నట్లు తెలిసింది.

ఈ చిత్రంలో ప్రిన్స్ ముఖ్యమంత్రిగా నటించనున్నారు. సీఎం పాత్రకు అధికారులకు మధ్యనున్న సన్నివేశాల్లో పంచ్ లు అదిరి పోవే విధంగా కొరటాల రాసినట్లు ఫిలిం నగర్ వాసులు చెప్పుకుంటున్నారు.  డీవీవీ దానయ్య నిర్మిస్తున్న ఈ ఫిల్మ్  2018 సంక్రాంతికి రిలీజ్ కానుంది. కొరటాల శివ, మహేష్ కాంబినేషన్లో వచ్చిన శ్రీమంతుడు ఇండస్ట్రీ హిట్ కొట్టింది. దీంతో ఈ కాంబోలో వస్తున్న రెండో చిత్రంపై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.