సూపర్ స్టార్ మహేష్ బాబు భరత్ అనే నేను వంటి బ్లాక్ బస్టర్ హిట్ తర్వాత వంశీ పైడిపల్లి దర్శకత్వంలో సినిమా చేస్తున్న సంగతి తెలిసిందే. డీజే బ్యూటీ పూజా హెగ్డే హీరోయిన్ గా నటిస్తున్న ఈ చిత్ర మొదటి షెడ్యూల్ డెహ్రాడూన్ లోని కాలేజ్ లో జరిగింది. ఈ కాలేజీలో సన్నివేశాలు కథని మలుపుతిప్పుతాయని సమాచారం. అమెరికాలో సెటిల్ అవుదామని అనుకున్న ఓ విద్యార్థి.. ఇక్కడి రైతుల కష్టాలను తెలుసుకొని.. వాటి పరిష్కారం కోసం రంగంలోకి దిగుతారని తెలిసింది. ఈసీన్లు బాగా వచ్చినట్లు సమాచారం. అదే ఉత్సాహంతో చిత్ర బృందం రెండో షెడ్యూల్ కి సిద్ధమవుతోంది.
అందరూ అనుకుంటూ అమెరికాకి కాదు… గోవాకి. ప్రస్తుతం వెదర్ బాగా ఉండడంతో గోవాలో కొన్ని సన్నివేశాలను కంప్లీట్ చేయాలనీ వంశీ ఫిక్స్ అయ్యారు. అందుకే నెక్స్ట్ షెడ్యూల్ గోవాలో త్వరలోనే మొదలు పెట్టనున్నారు. అల్లరి నరేష్ కీలకరోల్ పోషిస్తోన్న ఈ చిత్రానికి “రాజసం”, “రైతుబిడ్డ” అనే టైటిల్స్ పరిశీలిస్తున్నారు. వచ్చే నెల 9 న మహేష్ బాబు పుట్టినరోజు సందర్భంగా మహేష్ 25 వ మూవీ టైటిల్ , ఫస్ట్ లుక్ ని రివీల్ చేయనున్నారు. దిల్ రాజు, అశ్వినీదత్ సంయుక్తంగా నిర్మిస్తున్న ఈ సినిమా ఉగాది కానుకగా ఏప్రిల్ 5 న థియేటర్లోకి రానుంది.
Home