బ్లాక్ బస్టర్ లిస్ట్ లో చేరిన ‘మజిలీ’..!

‘యుద్ధం శరణం’ ‘శైలజారెడ్డి అల్లుడు’ ‘సవ్యసాచి’ ఇలా వరుస ప్లాపులతో డీలాపడిపోయాడు నాగచైతన్య. చైతన్య హిట్టు కొట్టి దాదాపు రెండేళ్ళయ్యింది. ఈ క్రమంలో తన భర్య సమంత తో కలిసి నటించిన ‘మజిలీ’ చిత్రం చైతన్య ప్లాపులకు బ్రేకులు వేసింది. ‘షైన్ క్రియేషన్స్’ బ్యానర్ పై సాహు గారపాటి, హరీష్ పెద్ది కలిసి నిర్మించిన ఈ చిత్రాన్ని ‘నిన్నుకోరి’ ఫేమ్ శివ నిర్వాణ డైరెక్ట్ చేసాడు. నాగచైతన్య, సమంత జంటగా నటించిన ఈ చిత్రం ఏప్రిల్ 5 న విడుదలయ్యి… మొదటి షో తోనే డీసెంట్ టాక్ ను సొంతం చేసుకుంది. చైసామ్ కాంబినేషన్ కు ఉన్న క్రేజ్ తో ఈ చిత్రం భారీ కలెక్షన్లను రాబట్టింది. 17 రోజులకి గానూ ఈ చిత్రం ప్రపంచ వ్యాప్తంగా 33.5 కోట్ల షేర్ ను వసూల్ చేసింది. ఈ చిత్రం ఏరియా వైజ్ కలెక్షన్లు ఈ విధంగా ఉన్నాయి :

నైజాం – 11.51 కోట్లు
సీడెడ్ – 4.02 కోట్లు
వైజాగ్ – 4.05 కోట్లు
ఈస్ట్ – 1.65 కోట్లు
కృష్ణా – 1.75 కోట్లు
గుంటూర్ – 2.01 కోట్లు
వెస్ట్ – 1.27 కోట్లు
నెల్లూరు – 0.77 కోట్లు
———————————————
ఏపీ +
తెలంగాణ – 27.03 కోట్లు

రెస్ట్ ఆఫ్
ఇండియా – 4.23 కోట్లు
ఓవర్సీస్ – 2.24 కోట్లు
———————————————-
వరల్డ్ వైడ్ టోటల్ – 33.5 కోట్లు (షేర్)
————————————————-

‘మజిలీ’ చిత్రానికి 22 కోట్ల ప్రీ రిలీజ్ బిజినెస్ జరిగింది. ఇప్పటి వరకూ ఈ చిత్రం 33.5 కోట్ల షేర్ ను వసూల్ చేసి బ్లాక్ బస్టర్ లిస్ట్ లో చేరింది. వరుసగా చిత్రాలు వచ్చినప్పటికీ ఈ చిత్రం డీసెంట్ కల్లెక్షన్లనే రాబట్టింది. ‘చిత్రలహరి’ ‘జెర్సీ’ ‘కాంచన 3’ ‘అవెంజర్స్’ వంటి హిట్టు చిత్రాలు వచ్చినా.. ఇప్పటికి ఈ చిత్రం డీసెంట్ కలెక్షన్స్ వసూల్ చేస్తుండడం విశేషం. ఇప్పటివరకూ ‘మనం’ చిత్రం పక్కన పెడితే నాగచైతన్య కెరీర్లో సోలో హీరోగా బిగ్గెస్ట్ కలెక్షన్లు వచ్చిన చిత్రం ‘రా రండోయ్ వేడుక చూద్దాం’ 28 కోట్ల షేర్. ఇప్పుడు ‘మజిలీ’ చిత్రం ఆ కలెక్షన్లను దాటేసి చైతూ కెరీర్లోనే బిగ్గెస్ట్ హిట్ గా నిలిచింది.