అడివి శేష్ హీరోగా సాయి మంజ్రేకర్, శోభిత ధూళిపాళ హీరోయిన్లుగా శశి కిరణ్ తిక్క దర్శకత్వంలో తెరకెక్కిన చిత్రం ‘మేజర్’. 26/11 ముంబై దాడుల్లో ప్రాణత్యాగం చేసి ఎంతో మంది ప్రాణాలను కాపాడి నిజమైన హీరో అనిపించుకున్న మేజర్ సందీప్ ఉన్నికృష్ణన్ జీవిత కథ ఆధారంగా తెరకెక్కిన మూవీ ఇది. ‘సోనీ పిక్చర్స్ ఇంటర్నేషనల్ ప్రొడక్షన్స్’ ‘జి.ఎం.బి ఎంటర్టైన్మెంట్’ ‘ఎ ప్లస్ ఎస్ మూవీస్’ బ్యానర్లపై టాలీవుడ్ సూపర్ స్టార్ మహేష్ బాబు, అనురాగ్ రెడ్డి, శరత్ చంద్ర కలిసి ఈ చిత్రాన్ని నిర్మించారు.
టీజర్, ట్రైలర్ లోని విజువల్స్ అద్భుతంగా ఉండడంతో ఈ సినిమా పై మొదటి నుండి మంచి అంచనాలు ఏర్పడ్డాయి. అందుకు తగ్గట్టే ఈ మూవీ బాక్సాఫీస్ వద్ద మంచి కలెక్షన్లు రాబట్టింది. తెలుగుతో పాటు హిందీ, మలయాళంలో కూడా ఈ మూవీ రిలీజ్ అయ్యింది. మొదట మలయాళం, హిందీ లో ఈ మూవీ ఓపెనింగ్స్ విషయంలో పెద్దగా రాబట్టలేదు. దీంతో అక్కడ నష్టాలు రావడం ఖాయమనే కామెంట్లు వినిపించాయి.
కానీ ‘మేజర్’ ఆ రెండు చోట్ల కూడా బాగానే కలెక్ట్ చేసి బ్రేక్ ఈవెన్ సాధించింది. ఇక థియేటర్లలో ‘మేజర్’ ను మిస్ అయిన ప్రేక్షకులు ఈ చిత్రం డిజిటల్ రిలీజ్ కోసం ఎంతో ఆసక్తిగా ఎదురుచూస్తున్నారు. మొత్తానికి ఈ మూవీ డిజిటల్ రిలీజ్ కు డేట్ ఫిక్స్ అయ్యింది.
జూలై 3 నుండి అంటే థియేటర్లలో రిలీజ్ అయిన నెల రోజులకి ఈ మూవీ నెట్ ఫ్లిక్స్ లో స్ట్రీమింగ్ కానుంది. తెలుగుతో పాటు మలయాళం, హిందీ భాషల్లో కూడా ఈ మూవీ డిజిటల్ స్ట్రీమింగ్ కానుంది. మరి ఇక్కడ ‘మేజర్’ కి ఎలాంటి రెస్పాన్స్ లభిస్తుందో చూడాలి..!
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
