మలయాళీ ముద్దుగుమ్మ మాళవిక మోహనన్ ‘పట్టం పోలె’ అనే సినిమాతో నటిగా ఎంట్రీ ఇచ్చింది. ఆ తరువాత మాలయంలోనే కొన్ని సినిమాలు చేసింది. ‘పేటా’ సినిమాతో ఆమెకి మంచి పేరొచ్చింది. దీంతో అవకాశాలు పెరిగాయి. విజయ్ నటించిన ‘మాస్టర్’, ధనుష్ ‘మారన్’ సినిమాల్లో హీరోయిన్ గా కనిపించింది. ప్రస్తుతం బాలీవుడ్ లో ‘యుద్ర’ అనే సినిమాలో నటిస్తోంది. ఇదిలా ఉండగా.. ఈమెకి బాలీవుడ్ లో మరో అవకాశం వచ్చిందని, సల్మాన్ ఖాన్ సినిమాలో సెకండ్ హీరోయిన్ గా కనిపించబోతుందని వార్తలొచ్చాయి.
సల్మాన్ ఖాన్ ప్రధాన పాత్రలో ఫర్హాద్ సంజి ‘కభీ ఈద్ కభీ దదివాలి’ అనే సినిమాను తెరకెక్కిస్తున్నారు. ఇందులో పూజాహెగ్డే హీరోయిన్ గా నటిస్తోంది. అయితే ఇందులో మరో హీరోయిన్ కి చోటుందని.. దానికోసం మాళవికను తీసుకున్నట్లు బాలీవుడ్ మీడియాలో కథనాలను ప్రచురించారు. తాజాగా ఈ విషయంపై మాళవిక మోహనన్ స్పందించింది. ఈ వార్తల్లో నిజం లేదని.. చాలా మంది ఈ విషయం గురించి తనను ప్రశ్నిస్తున్నారని.. అందుకే క్లారిటీ ఇవ్వాలనుకున్నట్లు చెప్పింది.
సింగిల్ లైన్ తో తనపై వస్తోన్న రూమర్లను కొట్టిపారేసింది మాళవిక మోహనన్. ఇప్పటికే ఈ బ్యూటీ బాలీవుడ్ లో ఒక సినిమా చేసింది. ఇప్పుడు మరో సినిమా చేస్తుంది. ఫ్యూచర్ లో సల్మాన్ తో నటించే ఛాన్స్ వస్తుందేమో చూడాలి. మరోపక్క టాలీవుడ్ లో కూడా సినిమాలు చేయాలనుకుంటుంది మాళవిక. ఇటీవల అభిమానులతో ముచ్చటిస్తూ.. విజయ్ దేవరకొండతో రొమాంటిక్ సినిమా చేయాలనుందని చెప్పింది. ఇదిలా ఉంటే.. ప్రభాస్-మారుతి కాంబినేషన్ లో రాబోయే సినిమాలో ఈమెనే హీరోయిన్ గా తీసుకున్నారని టాక్. ఇప్పటివరకు అయితే ఈ ప్రాజెక్ట్ ను ప్రకటించలేదు.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
