మహేష్ బాబు త్రివిక్రమ్ శ్రీనివాస్ కాంబో మూవీకి సంబంధించి ఈ నెల 3వ తేదీన పూజా కార్యక్రమాలు జరిగిన సంగతి తెలిసిందే. త్వరలో సర్కారు వారి పాట మూవీ షూటింగ్ పూర్తి కానుండగా ఈ సినిమా షూటింగ్ పూర్తైన వెంటనే త్రివిక్రమ్ సినిమా షూటింగ్ లో మహేష్ బాబు పాల్గొననున్నారు. అయితే ఈ సినిమాలో మోహన్ లాల్ కీలక పాత్రలో నటిస్తున్నారని తెలుస్తోంది. కొన్నేళ్ల క్రితం తెలుగులో జనతా గ్యారేజ్ సినిమాలో మోహన్ లాల్ నటించారు.
బాక్సాఫీస్ వద్ద జనతా గ్యారేజ్ సినిమా బ్లాక్ బస్టర్ హిట్ గా నిలిచింది. జనతా గ్యారేజ్ తర్వాత మోహన్ లాల్ తెలుగులో మహేష్ త్రివిక్రమ్ కాంబో మూవీ లో నటిస్తున్నారు. అయితే ఈ సినిమాలో మోహన్ లాల్ నటిస్తున్నట్టు అధికారిక ప్రకటన రావాల్సి ఉంది. పవర్ ఫుల్ పొలిటీషియన్ పాత్రలో మోహన్ లాల్ కనిపించనున్నారని బోగట్టా. సీఎం పాత్రలో మోహన్ లాల్ కనిపించే ఛాన్స్ ఉందని తెలుస్తోంది. ఖలేజా తర్వాత మహేష్ త్రివిక్రమ్ కాంబోలో తెరకెక్కుతున్న సినిమా ఇదే కాగా పూజా హెగ్డే ఈ సినిమాలో హీరోయిన్ గా నటిస్తున్నారు.
త్రివిక్రమ్ తన సినిమాల్లో వరుసగా పూజా హెగ్డేకు అవకాశాలు ఇస్తుండటం గమనార్హం. వరుస విజయాలతో జోరుమీదున్న త్రివిక్రమ్ మహేష్ కు కూడా బిగ్గెస్ట్ బ్లాక్ బస్టర్ హిట్ ఇస్తారని ఫ్యాన్స్ భావిస్తున్నారు. త్రివిక్రమ్ వరుస సక్సెస్ లతో తన రెమ్యునరేషన్ ను భారీగా పెంచేశారని తెలుస్తోంది. స్టార్ మ్యూజిక్ డైరెక్టర్ థమన్ ఈ సినిమాకు సంగీతం అందిస్తున్నారు. హారిక హాసిని క్రియేషన్స్ బ్యానర్ పై ఈ సినిమా తెరకెక్కనుంది.
ప్రస్తుతం త్రివిక్రమ్ శ్రీనివాస్ మహేష్ మూవీ ప్రీ ప్రొడక్షన్ పనులతో బిజీగా ఉన్నారు. మహేష్ బాబు రాజమౌళి డైరెక్షన్ లో ఒక సినిమాకు గ్రీన్ సిగ్నల్ ఇచ్చిన సంగతి తెలిసిందే. ఈ ఏడాదే ఆ సినిమా కూడా సెట్స్ పైకి వెళ్లనుంది.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
