జ్యోతికపై ప్రశంసలు గుప్పించిన మంచు లక్ష్మి

మాస్, ఠాగూర్, చంద్రముఖి వంటి చిత్రాల్లో నటించి తెలుగు వారికీ జ్యోతిక బాగా దగ్గరయ్యారు. హీరో సూర్యతో పెళ్లి అయిన తర్వాత నటనకు కొంతకాలం దూరంగా ఉన్నారు. వివాహం అనంతరం పెళ్లి అయి బిడ్డ పుట్టిన తర్వాత ప్రముఖ దర్శకుడు బాల దర్శకత్వంలో నటించడానికి ఒకే చెప్పారు. “నాచియార్” సినిమాతో రీ ఎంట్రీ ఇచ్చి అభినందనలు అందుకున్నారు. ప్రస్తుతం బాలీవుడ్ మూవీ తుమ్హారీ సులు రీమేక్ లో నటిస్తున్నారు. విద్యాబాలన్ పోషించిన రేడియో జాకీగా కనిపించబోతున్నారు. ఈ చిత్రంలో మంచు లక్ష్మి కూడా నటిస్తోంది. నటిగా, నిర్మాతగా, టీవీ హోస్ట్ గా బిజీగా ఉన్న లక్ష్మి ఈ సినిమాలో రేడియో ఛానల్ హెడ్ గా నటిస్తోంది.

ఈ షూటింగ్ లో రీసెంట్ గా పాల్గొన్న ఆమె షూటింగ్ అనుభవాన్ని ట్విట్టర్లో షేర్ చేసుకుంది. “జ్యోతిక పని చేయడం చాలా ఆనందాన్నిచ్చింది. ఇదివరకు ఆమెకు నేను అభిమానిని. ఇప్పుడు అంతకన్నా ఎక్కువ. ఆమె కళ్ళు మాట్లాడుతాయి. కెమెరా సైతం ఆమె ప్రేమలో పడిపోతుంది” అని జ్యోతికపై మంచు లక్ష్మి ప్రశంసల జల్లు కురిపించింది. రాధామోహన్ దర్శకత్వంలో తెరకెక్కుతున్న మూవీ తెలుగులోనూ రిలీజ్ కానుంది. దక్షిణాది ప్రజలకు నచ్చేలా స్క్రిప్ట్ రాసుకొని రూపొందిస్తున్న సినిమా దసరాకి థియేటర్లోకి రానుంది.