మంచు వారసురాలిగా ఇండస్ట్రీలోకి అడుగుపెట్టినటువంటి మంచు లక్ష్మి ఇండస్ట్రీలో మంచి గుర్తింపు సంపాదించుకోవడం కోసం ఎన్నో సినిమాలలో నటించడమే కాకుండా నిర్మాతగా కూడా వ్యవహరిస్తూ ఉన్నారు. ఇలా ఇండస్ట్రీలో బిజీగా ఉన్నటువంటి మంచు లక్ష్మి సోషల్ మీడియా వేదికగా చేసే కొన్ని పోస్టులు కారణంగా భారీగా ట్రోల్స్ ఎదుర్కొంటూ ఉంటారు. ఇకపోతే తాజాగా మంచు లక్ష్మికి సంబంధించినటువంటి ఒక వీడియో సోషల్ మీడియాలో వైరల్ గా మారింది. తాజాగా సైమా అవార్డులో ప్రధానోత్సవ కార్యక్రమంలో భాగంగా సెలబ్రిటీలు అందరూ కూడా దుబాయిలో సందడి చేసిన విషయం మనకు తెలిసిందే.
ఈ కార్యక్రమంలో భాగంగా మంచు లక్ష్మి ఒక ఇంటర్వ్యూలో పాల్గొన్నారు. యాంకర్ అడిగే ప్రశ్నలకు ఈమె సమాధానాలు చెబుతున్నటువంటి తరుణంలో ఓ వ్యక్తి కెమెరాకు ఎదురుగా వచ్చారు. దీంతో మంచు లక్ష్మి తీవ్ర స్థాయిలో ఆగ్రహం వ్యక్తం చేశారు. ఇలా ఆ వ్యక్తి కెమెరాకు అడ్డుగా రావడంతో మంచు లక్ష్మి నీ యావ్వా అంటూ ఆ వ్యక్తిని ఒక దెబ్బ కొట్టడమే కాకుండా మరొక వ్యక్తి కూడా కెమెరాకు అడ్డుగా రావడంతో కెమెరా వెనకనుంచి రా డూడ్ అంటూ సమాధానం చెప్పారు.
ఇలా కెమెరా ముందు నుంచి వచ్చే వారందరికీ మంచు లక్ష్మి తన స్టైల్ లో వార్నింగ్ ఇచ్చారు అయితే ఈ సన్నివేశాన్ని ఎడిట్ చేయమని యాంకర్ చెప్పగా మంచు లక్ష్మి మాత్రం అలాగే ఉండనివ్వు అంటూ చెప్పుకొచ్చారు. ప్రస్తుతం మంచు లక్ష్మికి సంబంధించినటువంటి ఈ వీడియో సోషల్ మీడియాలో వైరల్ గా మారడంతో పలువురు ఈ వీడియో పై వివిధ రకాలుగా స్పందిస్తున్నారు.
కొందరు మంచు లక్ష్మికి (Manchu Lakshmi) మద్దతు తెలుపుగా మరికొందరు మాత్రం విమర్శిస్తున్నారు. ఇలా ఒక ఇంటర్వ్యూ చేసేటప్పుడు కెమెరాకు ముందు నుంచి వెళ్ళకూడదని ఆ మాత్రం తెలియదా అంటూ కామెంట్ చేయగా వచ్చినంత మాత్రాన కొట్టి మరీ చెప్పాలా అంటూ మరికొందరు ఈ వీడియో పై విమర్శలు కురిపిస్తున్నారు.
మార్క్ ఆంటోనీ సినిమా రివ్యూ & రేటింగ్!
ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!
