మంచు కుటుంబం ఇంధ్రభవనం లాంటి ఇంటిని ఆ మధ్య చూసి ఉంటారు. అదేనండి హోం టూరు చూసి ఉంటారు. మంచు లక్ష్మీప్రసన్న ప్రత్యేకంగా ఓ వీడియోను షూట్‌ చేసి తన యూట్యూబ్‌లో అప్‌లోడ్‌ చేశారు. హైదరాబాద్‌లోని ఆ ఇంటిని చూసి వావ్‌ అని అనుకుని ఉంటారు. ఇప్పుడు మంచు లక్ష్మీ మరో ఇంటికి సంబంధించిన హోం టూరు వీడియో యూట్యూబ్‌లో పోస్ట్‌ చేశారు. ఈసారి తిరుపతిలో ఉన్న వాళ్ల పాత ఇంటిని చూపించారు మంచు వారమ్మాయి.
మోహన్‌బాబు ఇంటిని ఎంత చక్కగా అలంకరించుకుంటారో మనకు తెలిసిందే. హైదరాబాద్‌ హోం టూరు చూసినప్పుడు ఈ విషయం బాగా అర్థమైయుంటుంది. ఇప్పుడు తిరుపతి హోంలో కూడా ఇలాంటిదే. హైదరాబాద్‌ ఇంటంత పెద్దగా లేనప్పటికీ రోజ్‌వుడ్‌ ఫర్నిచర్‌తో ఇల్లు అదిరిపోయింది అని చెప్పాలి. మెట్లు, మంచాలు, డైనింగ్‌ టేబుల్స్‌… ఇలా చాలావరకు రోజ్‌వుడ్‌తో చేసినవే అని లక్ష్మీ చెప్పారు.
హోమ్‌టూర్‌ సందర్భంగా మంచు లక్ష్మి తన చిన్ననాటి జ్ఞాపకాల్ని గుర్తుచేసుకుంది. ఒకప్పుడు ఈ ఇంటి కింది భాగంలో కంప్యూటర్‌ ల్యాబ్‌ నిర్వహించేవారని, పై భాగంలో ఒకే గది ఉండేదని చెప్పారు. అందులోనే తామంతా ఉండేవారమని కూడా తెలిపింది. అలా ఉన్న ఇంటిని ఆ తర్వాత మా నాన్న చాలా అందంగా తీర్చిదిద్దారని చెప్పింది. గత హోం టూర్‌లాగే ఇందులో కూడా తమ ఇంటి సిబ్బందిని పరిచయం చేసింది లక్ష్మి.
మధ్యలో కుమార్తె విద్యా నిర్వాణ కూడా వీడియోలో కనిపించింది. తల్లి దగ్గర గారాలు పోతూ భలే ముద్దొచ్చింది విద్యా నిర్వాణ. మోహన్‌బాబు పూజ చేసుకునే స్థలం, స్నేహితులతో సరదాగా గడిపే స్థలం, భోజనాల గది, హాలు, గార్డెన్‌ ఏరియాల ఇలా చాలానే చూపించింది మంచు లక్ష్మి. ఆ తర్వాత మంచు విష్ణు, మంచు మనోజ్‌తోపాటు పిల్లల కోసం ప్రత్యేకంగా నిర్మించిన గదిని కూడా చూపించింది మంచు లక్ష్మి.
మోహన్‌బాబు వుడెన్‌ వర్క్‌ అన్నా, పెయింటింగ్స్‌ అన్నా, ఫొటో ఫ్రేములన్నా చాలా ఇష్టం. హైదరాబాద్‌ ఇంటిలో కూడా అలాంటివి చూసే ఉంటారు. ఇప్పుడు ఇక్కడ కూడా వాటిని చూడొచ్చు. ఇంకా చాలా వివరాలు ఈ దిగువ వీడియోలో చూడొచ్చు.
Home
