టాలీవుడ్ ఇండస్ట్రీలో సీనియర్ నటుడు నిర్మాత మంచు మోహన్ బాబు కుమారుడిగా ఇండస్ట్రీలోకి అడుగు పెట్టారు మంచు మనోజ్. బాల నటుడిగా ఇండస్ట్రీలోకి వచ్చిన మనోజ్ అనంతరం హీరోగా పలు సినిమాలలో నటించారు.ఇలా హీరోగా ఇండస్ట్రీలో కొనసాగుతున్న ఈయన గత కొంతకాలం నుంచి ఇండస్ట్రీకి దూరంగా ఉన్నప్పటికీ త్వరలోనే ఈయన రీ ఎంట్రీ ఇవ్వబోతున్నారు.ఇక మనోజ్ వ్యక్తిగత విషయానికి వస్తే ఈయన 2017వ సంవత్సరంలో ప్రణతి అనే అమ్మాయిని వివాహం చేసుకున్నారు.
ఈ విధంగా వైవాహిక జీవితంలో కొన్ని రోజుల పాటు సంతోషంగా ఉన్న మనోజ్ అనంతరం కొన్ని కారణాలవల్ల ప్రణతితో విడాకులు తీసుకుని గత మూడు సంవత్సరాల నుంచి ఒంటరిగా గడుపుతున్నారు. అయితే తాజాగా ఈయనకు సంబంధించిన ఓ వార్త సోషల్ మీడియాలో వైరల్ అవుతుంది. మంచు మనోజ్ త్వరలోనే మరో పెళ్లి చేసుకోబోతున్నారని వార్త సోషల్ మీడియాలో చక్కర్లు కొడుతున్నాయి.
ఈ క్రమంలోనే మంచు మనోజ్ పెళ్లి చేసుకోబోయే అమ్మాయి ఎవరు అనే విషయం గురించి పెద్ద ఎత్తున చర్చలు జరుపుతున్నారు.అయితే మనోజ్ పెళ్లి చేసుకోబోయే అమ్మాయి ఆంధ్రప్రదేశ్ రాష్ట్ర రాజకీయాలలో ఎంతో పేరు ప్రఖ్యాతలు గాంచిన కుటుంబానికి చెందిన అమ్మాయి అని తెలుస్తోంది. ఈమె తల్లిదండ్రులు ఇద్దరు కూడా ఎమ్మెల్యేగా గెలుపొందారు. ఇలా ఆంధ్రప్రదేశ్ రాష్ట్ర రాజకీయాలలో ఎంతో పేరు ప్రఖ్యాతలు సంపాదించుకున్న దివంగత నేత భూమా నాగిరెడ్డి, శోభా నాగిరెడ్డి రెండవ కుమార్తె మౌనిక రెడ్డితో ఈయన వివాహం జరగనుందని తెలుస్తుంది.
ఆంధ్రప్రదేశ్ రాష్ట్ర రాజకీయాలలో ఎంతో కీలకంగా వ్యవహరించిన వీరి చిన్న కుమార్తె మౌనిక రెడ్డితో ఈయన వివాహం జరగబోతుందని పెద్ద ఎత్తున వార్తలు రావడమే కాకుండా వీరిద్దరూ కలిసి ఉన్నటువంటి ఫోటోలు కూడా సోషల్ మీడియాలో వైరల్ అవుతున్నాయి. ఇలా ఈ ఫోటోలు వైరల్ కావడంతో ఈయన రెండో పెళ్లి వార్తలు చక్కర్లు కొడుతున్నాయి. ఇక ఈ విషయం తెలిసిన అభిమానులు మంచు మనోజ్ కు శుభాకాంక్షలు తెలియజేస్తున్నారు. మరి ఈ వార్తలలో ఎంతవరకు నిజముందో తెలియాలంటే మంచు ఫ్యామిలీ స్పందించాల్సి ఉంది.
Home