డైలాగ్ కింగ్ మంచు మోహన్ బాబు చిన్న తనయుడు మంచు మనోజ్ సోషల్ మీడియాలో ఈ మధ్య ట్రెండింగ్ లో ఉంటున్నారు. మొన్న హరికృష్ణ అంతిమ యాత్ర సమయంలో ఫ్యాన్స్ తాకిడి ఎక్కువగా ఉండడంతో వారు ఎన్టీఆర్, కళ్యాణ్ రామ్ మీదకు రాకుండా మంచు మనోజ్ కంట్రోల్ చేస్తూ అన్నదమ్ములకు ఇబ్బంది లేకుండా చూసి అందరి దృష్టిని ఆకర్షించారు. నిన్న… “ఎందుకు సినిమా చేయడం లేదు?” అని అభిమాని అడిగిన ప్రశ్నకు.. నాకు కొంచెం తిక్క అని సమాధానం చెప్పి ట్రెండ్ లోకి వచ్చారు. ఈరోజు మరోసారి సోషల్ మీడియాలో చక్కర్లు కొడుతున్నారు.
ఓ నెటిజన్ ‘‘అన్నా.. బయట జనాలు ‘ఫసక్’ అని ట్రోల్ చేసినా అది మీ మీదా, మీ ఫ్యామిలీ మీద ఉన్న ప్రేమతోనే.. దయచేసి బాధపడకండి. మేమంతా మంచు ఫ్యామిలీని ప్రేమిస్తాం’’ అని ట్వీట్ చేశాడు. దీనికి సమాధానంగా మనోజ్.. ‘‘తిట్టినా, పొగిడినా, ఆడుకున్నా.. మీరే కదా బ్రదర్స్.. మీరు పెట్టే కూడు తింటున్నాం… మీకు ఆ హక్కు ఉంది. ఎంజాయ్’’ అంటూ రీ ట్వీట్ చేశారు. ఇది చూసిన నెటిజన్లు మనోజ్పై మరింత అభిమానాన్ని కురిపిస్తున్నారు. “ఫ్రాంక్గా చెప్పాలంటే ఈ ఒక్క ట్వీట్తో మీ మీద ఉన్న ఒపీనియన్ చాలా మందికి మారుతుంది. గ్రేట్ అన్నా లవ్ యు లాట్” అంటూ నెటిజన్లు అభిమానాన్ని కురిపిస్తున్నారు. సినిమాలు విజయం సాధించక పోవడంతో మరిచి పోతున్న సమయంలో మంచు మనోజ్ అందరికి ఇలా దగ్గరవవుతున్నారు.
