Manchu Manoj: ఆ రెండు పేర్లు కలిసేలా మనోజ్ కూతురు పేరు.. ఏం జరిగిందంటే?

టాలీవుడ్ ఇండస్ట్రీలో తన మార్క్ నటనతో మంచు మనోజ్  (Manchu Manoj) మంచి పేరు, గుర్తింపును సొంతం చేసుకున్నారు. ప్రస్తుతం మంచు మనోజ్ వాట్ ద ఫిష్, మిరాయ్ సినిమాలలో నటిస్తుండగా ఈ సినిమాల రిలీజ్ డేట్లకు సంబంధించి క్లారిటీ రావాల్సింది. కెరీర్ పరంగా బిజీగా ఉన్న మనోజ్ సోషల్ మీడియా వేదికగా తన కూతురి పేరును వెల్లడించారు. పరమేశ్వరుడు, అభిమానుల ఆశీస్సులతో కూతురికి “దేవసేన శోభ ఎం.ఎం.” అని పేరు ఫిక్స్ చేశామని తన ట్విట్టర్ అకౌంట్ ద్వారా మనోజ్ వెల్లడించారు.

శోభ అనే పేరు మనోజ్ అత్తయ్య పేరు కాగా దేవసేన, శోభ అనే రెండుపేర్లను కలిపి కూతురికి పేరు ఫిక్స్ చేసినట్టు తెలుస్తోంది. భూమా మౌనిక, మనోజ్ కూతురి రూపంలో శోభా నాగిరెడ్డి మళ్లీ పుట్టారని భావించి ఆమె పేరు వచ్చేలా నామకరణం చేసి ఉండవచ్చని సోషల్ మీడియా వేదికగా అభిమానుల నుంచి అభిప్రాయాలు వ్యక్తమవుతున్నాయి. మనోజ్ దంపతుల కూతురు పేరు సూపర్ గా ఉందని నెటిజన్లు కామెంట్లు చేస్తున్నారు.

మంచు మనోజ్ సైతం సోషల్ మీడియా పోస్ట్ ద్వారా అత్తమ్మ పేరు కలిసివచ్చేలా పేరు పెట్టినట్టు తెలిపారు. లార్డ్ సుబ్రమణ్య స్వామి భార్య పేరు దేవసేన కాగా ఆ పేరు కూడా కూతురి పేరులో కలిసొచ్చేలా ఫిక్స్ చేసినట్టు మంచు మనోజ్ వెల్లడించారు. మనోజ్ కూతురికి సంబంధించిన ఫోటోలను సైతం ఫేస్ పూర్తిస్థాయిలో కనిపించకుండా సోషల్ మీడియా వేదికగా షేర్ చేశారు.

మంచు మనోజ్ కు కెరీర్ పరంగా భారీ హిట్స్ దక్కితే ఫ్యాన్స్ ఆనందానికి అవధులు ఉండవని చెప్పవచ్చు. మనోజ్ రెమ్యునరేషన్ సైతం పరిమితంగానే ఉందని తెలుస్తోంది. మనోజ్ భార్య మౌనిక ఇప్పటికే వ్యాపార రంగంలో రాణిస్తున్నారు. మనోజ్ నెక్స్ట్ లెవెల్ ప్రాజెక్ట్ లను ఎంచుకుని బ్యాక్ టు బ్యాక్ బ్లాక్ బస్టర్ హిట్లతో బాక్సాఫీస్ ను షేక్ చేస్తే తన రేంజ్ మరింత పెరిగే అవకాశాలు ఉంటాయి.

With all Your’s & Lord Shiva’s blessings, we named our Daughter ❤️ #DevasenaShobhaMM pic.twitter.com/n6dvJeDoVR

— Manoj Manchu❤️ (@HeroManoj1) July 8, 2024