కొన్నాళ్ల నుండి మంచు విష్ణు నటించిన సినిమాలేవీ సక్సెస్ కావడం లేదు.రాజ్ తరుణ్ తో కలిసి నటించిన ‘ఈడోరకం ఆడోరకం’ సినిమా తప్ప ఆ తర్వాత విష్ణు నటించిన సినిమాలు బాక్సాఫీస్ వద్ద బోల్తా కొట్టాయి. ‘లక్కున్నోడు’ ‘గాయత్రి’ ‘ఆచారి అమెరికా యాత్ర’ ‘ఓటర్’ ‘మోసగాళ్ళు’ వంటి చిత్రాలు ఒకదాన్ని మించి మరొకటి అన్నట్టు ఫ్లాప్ అయ్యాయి. అయినప్పటికీ విష్ణు ‘జిన్నా’ అనే చిత్రంతో ప్రేక్షకుల ముందుకు రానున్నాడు.ఈషాన్ సూర్య డైరెక్ట్ చేసిన ఈ మూవీ అక్టోబర్ 21న దీపావళి కానుకగా ప్రేక్షకుల ముందుకు రానుంది.
పాయల్ రాజ్ పుత్, సన్నీ లియోన్ లు ఈ చిత్రంలో హీరోయిన్ గా నటించడంతో ఓ వర్గం ప్రేక్షకుల్లో ఆసక్తి నెలకొంది. ఒకవేళ ఈ సినిమా హిట్ అయినా వాళ్ళకే ఎక్కువ క్రెడిట్ వెళ్లే అవకాశం ఉంటుంది. ‘ఢీ’ ‘దేనికైనా రెడీ’ వంటి చిత్రాల్లా విష్ణుకి మంచి హిట్టు పడుతుందా అంటే అనుమానమే..! అయితే మంచు విష్ణు… శ్రీనువైట్లతో ఓ సినిమా చేయబోతున్నట్లు చాలా కాలం క్రితమే అధికారిక ప్రకటన వచ్చింది.
కానీ ఈ ప్రాజెక్టు మధ్యలో ఆగింది. దీంతో ఇక ఈ ప్రాజెక్టు ఉండదు అని అంతా అనుకున్నారు. ‘జిన్నా’ ప్రమోషన్స్ లో ఈ ఊహాగానాలకు చెక్ పెట్టాడు విష్ణు. ‘ఢీ’ సీక్వెల్ డిసెంబర్ లో సెట్స్ పైకి వెళుతుందని తెలిపాడు. పూర్తిగా కొత్త కథతో శ్రీనువైట్ల.. ‘ఢీ’ సీక్వెల్ ను తెరకెక్కిస్తారని విష్ణు క్లారిటీ ఇచ్చాడు. అంతేకాదు విష్ణు 7 సినిమాల రీమేక్ హక్కులను కొనుగోలు చేసాడట.
‘ఆండ్రాయిడ్ కట్టప్ప’ తో సహా 7 సినిమాలకు సంబంధించిన రీమేక్ హక్కులను విష్ణు కొనుగోలు చేశాడట. వాటిని తెరకెక్కించడానికి సరిపడే దర్శకుల కోసం ఇప్పుడు వెతుకులాట మొదలుపెట్టినట్టు ఆయన తెలిపాడు. ఇక నుండి తన కెరీర్ ను పక్కాగా ప్లాన్ చేసుకోవాలని విష్ణు భావిస్తున్నట్లు తెలుస్తోంది.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
