హీరోలు, హీరోయిన్స్ రెమ్యునరేషన్స్ కోటి దాటుతున్న పరిస్థితుల్లో అరకోటికి మించకుండా సినిమా తీసి సంచలన విజయం సాధించిన డైరక్టర్ మారుతి. అంతేకాదు దెయ్యంతో బయపెట్టడమే కాదు నవ్వించవచ్చని హారర్ కామెడీ అనే కొత్త జోనర్ ని తెలుగు చిత్ర పరిశ్రమకి పరిచయం చేశారు. ప్రస్తుతం ఈ డైరక్టర్ నాగచైతన్యతో శైలజా రెడ్డి అల్లుడు సినిమాని తెరకెక్కిస్తున్నారు. మొన్న చైతూ విదేశాల్లో విహారానికి వెళ్లడంతో కొన్ని రోజుల గ్యాప్ దొరికింది. ఈ ఖాళీ సమయంలో కొత్త కాన్సెప్ట్ ని పరిచయం చేయడానికి సిద్ధమయ్యారు.
కొన్ని గంటల క్రితం సోషల్ మీడియాలో కొత్త కాన్సెప్ట్ కి సంబందించిన ప్రకటన పోస్టర్ ని పోస్ట్ చేశారు. పోస్టర్ లో ఎగురుతున్న నోట్లు, కింద ఇనుప కంచె చూస్తుంటే.. మారుతి కొత్త కాన్సెప్ట్ ఏమిటి ? అని ప్రశ్న అందరికీ వస్తోంది. ఆ ప్రశ్నకి జవాబు కావాలంటే మాత్రం రేపటి వరకు ఆగాల్సిందే. ఎందుకంటే మారుతి విభిన్నమైన ప్రయత్నం ఏమిటి?, దాంతో ఎలాంటి సినిమా చేస్తున్నారు?, దానికి ఎలాంటి టైటిల్ పెట్టబోతున్నారు? అనే విషయాల్ని రేపు రివీల్ చేయనున్నారు.
