హిట్ కోసం ‘మెగా’ ఆరాటం!!!

టాలీవుడ్ లో మెగా ఫ్యామిలీకు ఒక రేంజ్ ఉంది…కోట్లాది అభిమానుల అండ ఉంది. అయితే అలాంటి అభిమాన గళం ఉన్న మెగా శిబిరంలో ఉన్న హీరోల్లో మెగా స్టార్, పవర్ స్టార్, మెగా పవర్ స్టార్ ఈ ముగ్గురూ సాక్షాత్తూ టాలీవుడ్ టాప్ హీరోలు అనే చెప్పాలి. మరి అలాంటి హీరోలు పాపం హిట్ కోసం తహతహా లాడుతున్నారా? ఎన్నో చేదు అనుభవాల తరువాత భారీ హిట్ కొట్టేందుకు పక్కా ప్లాన్ తో ముందుకు వస్తున్నారా… సొంత కధలను, కొత్త కధలను నమ్మలేక…తమిళ కధలపై పడ్డారా..? అంటే అవును అనే అంటున్నాయి సినిమా వర్గాలు…ఇంతకీ విషయం ఏంటంటే…

పొలిటికల్ లైఫ్ బోర్ కొట్టి మళ్లీ ఎంట్రీ ఇస్తున్న చిరు…సొంత బ్యానర్ లో సినిమా ‘సర్దార్’ తీసి పరువు పోగొట్టుకున్న పవన్. బ్రూస్ లీ అంటూ డిజాస్టర్ చవి చూసిన చెర్రీ వీళ్ళ ముగ్గురుకీ ఇప్పుడు భారీ హిట్ అవసరం. అందుకే ప్రయోగాలకు పోకుండా తమిళ సినిమాలపై పడి అవే రీమేక్ చేసుకుంటున్నారు..అందులో చిరంజీవి…తమిళంలో సూపర్ హిట్ అయిన ‘కత్తి’ ని రీమేక్ చేస్తుండగా. రామ్ చరణ్ …సైతం అదే భాషలో హిట్టైన ‘తనీ ఒరువన్’ ను రీమేక్ చేస్తున్నాడు.

ఇక పవన్ కల్యాణ్ సైతం ఎస్ జే సూర్య దర్శకత్వంలో తమిళ ‘వీరమ్’ సినిమా రీమేక్ చేస్తున్నాడు… ఇలా బడా హీరోలందరూ తెలుగులో కొత్త కధలను ఎంచుకోకుండా సేఫ్ సైడ్ గా ఫక్తు కమర్షియల్ సినిమాలు చేసి హిట్ కొట్టడానికి రెడీ అవుతున్నారు. మరి ఏ రీమేక్ రివెంజ్ ఎంతవరకూ కలసి వస్తుందో చూడాలి