మెగా హీరోస్ ట్రెండ్ సెట్ చేస్తున్నారు!!!

మన టాలీవుడ్ లో టాప్ హీరోలకు దాదాపుగా ఫ్యాన్స్ బేస్ ఉంటుంది. ముఖ్యంగా నందమూరి ఫ్యామిలీ, మెగా ఫ్యామిలీల విషయానికి వస్తే ఆ ఫాం బేస్ గురించి ప్రత్యేకంగా చెప్పనవసరం లేదు. అయితే అదే క్రమంలో మన టాలీవుడ్ లో ఒక హీరో హిట్ కొడితే మరి హీరో అదే హిట్ కాంబినేషన్ దర్శకుడితో సినిమా చెయ్యాలి అని తహతహలాడుతూ ఉంటారు. అదే క్రమంలో తమ సినిమాలకు తప్ప పక్కనోళ్ల మూవీస్ ని పట్టించుకోని సంస్కృతి మన హీరోల్లో ఎక్కువగా కనిపిస్తూ ఉంటుంది. అయితే ఆ సంస్కృతికి గుడ్ బై చెప్పి సరికొత్త పద్దతిని స్టార్ట్ చేస్తూ…న్యూ ట్రెండ్ ని సెట్ చేస్తున్నారు మన మెగా హీరోలు.

ఇంతకీ విషయం ఏమిటంటే…యంగ్ టైగర్ ఎన్టీఆర్ తాజా చిత్రం జనతా గ్యారేజ్ ను పొగడ్తలతో ముంచేస్తున్నాడు మన మెగా యువ హీరో వరుణ్ తేజ… ట్రైలర్ చూశానని.. ఎన్టీఆర్ రాకింగ్ అని.. హీరోలను కొరటాల క్లాసీగా చూపిస్తాడని అంటున్నాడు వరుణ్ తేజ్. ఇక గతంలోను మెగా హీరోలు మన నందమూరి హీరోల సినిమాలను సపోర్ట్ చేశారు…..అందులో ముఖ్యంగా నారా రోహిత్-తారకరత్నలు నటించిన రాజా చెయ్యి వేస్తే చిత్రానికి సుప్రీమ్ హీరో సాయిధరం తేజ్ సపోర్ట్ చేస్తూ ట్వీట్ చేశాడు.

ఇక వీళ్ల కంటే నాలుగు అఢుగులు ముందే ఉన్నాడు మెగా పవర్ స్టార్. ఏ హీరో సినిమా రిలీజ్ అయినా.. సక్సెస్ అయినా తనే ఫోన్ చేసి విషెస్ చెప్పేస్తూ ఉంటాడు. శ్రీమంతుడు రిలీజ్ అయ్యి సక్సెస్ అయిన తర్వాత.. రామ్ చరణ్ తప్ప వేరే ఎవరూ ఫోన్ కూడా చేయలేదని సూపర్ స్టార్ మహేష్ బాబు చెప్పిన సంగతి తెలిసిందే. ఇలా మెగా హీరోస్ అంతా మిగిలిన హీరోస్ సినిమాల సక్సెస్ ల గురించి సపోర్ట్ గా మాట్లాడటం చూస్తుంటే చాలా ముచ్చటగా ఉంది.