మెగా మల్టీ స్టారర్ మూవీలో చిరంజీవి, పవన్ కళ్యాణ్ క్యారెక్టర్స్ ఇవే!!

ప్రస్తుతం టాలీవుడ్ లో మెగా మల్టీ స్టారర్ మూవీ హాట్ టాపిక్ గా మారింది. మెగాస్టార్ చిరంజీవి, పవర్ స్టార్ పవన్ కళ్యాణ్ ఇద్దరూ కలిసి నటించనున్న ఈ సినిమా ప్రీ ప్రొడక్షన్ వర్క్ చకచకా జరిగిపోతోంది. మాటల మాంత్రికుడు త్రివిక్రమ్ శ్రీనివాస్ దర్శకత్వం వహిస్తున్న ఈ చిత్రానికి మూల కథ “గుండమ్మ కథ” సినిమా నుంచి తీసుకున్నట్లు ఫిల్మ్ నగర్లో ప్రచారం జోరుగా సాగుతోంది. ఎన్టీఆర్, ఏఎన్ఆర్ కలిసి నటించిన ఈ ఫిల్మ్ అప్పట్లో బ్లాక్ బస్టర్ గా నిలిచింది. అందుకే ఆ కథను నేటి పరిస్థితులకు అనుగుణంగా మార్చే పనిలో త్రివిక్రమ్ ఉన్నారు.

మీనా సినిమాను “అ .. ఆ ” గా చక్కగా రీమేక్ చేసి సూపర్ హిట్ అందుకున్న ఈ దర్శకుడు మరో సారి అదే ప్లాన్ తో వస్తున్నారు. ఏప్రిల్ నాటికి స్క్రిప్ట్ పూర్తి చేయాలనీ శ్రమిస్తున్నారు. ఈ  సినిమాలో చిరు, పవన్ అన్నదమ్ములుగానే కనిపించనున్నారు. నాగ బాబు కూడా ఓ కీలక పాత్రలో కనిపించనున్నట్లు సమాచారం. ప్రముఖ వ్యాపారవేత్త, ఎంపీ టి. సుబ్బిరామిరెడ్డి నిర్మిస్తున్న ఈ చిత్రానికి  చిరంజీవి, పవన్ కళ్యాణ్ లు ఒక్కొక్కరూ 25 కోట్లు అందుకుంటుండగా, త్రివిక్రమ్ 15 కోట్లు తీసుకున్నట్లు తెలిసింది.

Also, do SUBSCRIBE to our YouTube channel to get latest Tollywood updates.