ఒక సినిమా కోసం… రెండు, మూడు సినిమాలు డేట్స్‌ మార్చుకోవడం ఈ మధ్య కాలంలో చూశాం. మొన్న సంక్రాంతి సీజన్‌లో ఇలా జరిగింది. ఇప్పుడు మరోసారి అలాంటి సిట్యువేషన్‌ చూస్తామా? అవుననే అంటున్నాయి టాలీవుడ్‌ వర్గాలు. సంక్రాంతికి ‘ఆర్ఆర్ఆర్’ వల్ల ఇలాంటి మార్పులు జరిగితే, ఈసారి ‘గాడ్‌ఫాదర్‌’ వల్ల జరగొచ్చు అంటున్నారు. ఈసారి తేదీ ఆగస్టు 11 అట. ఆ డేట్‌లో అంత స్పెషల్‌ ఏముంది అనుకుంటున్నారా? డేట్‌లో ఏమీ లేదు, సందర్భంలో ఉంది అని చెప్పొచ్చు.
మలయాళంలో ఘన విజయం అందుకున్న ‘లూసిఫర్‌’ సినిమాను తెలుగులో ‘గాడ్‌ఫాదర్‌’ పేరుతో రీమేక్‌ చేస్తున్నారు. చాలా రోజుల క్రితమే మొదలైన ఈ సినిమా చిత్రీకరణ ఇప్పుడు చివరిదశకొచ్చింది. దీంతో సినిమా విడుదల తేదీ కోసం చూస్తున్నారట. ఒకప్పుడు అయితే దగ్గర్లో సినిమా తేదీ చెప్పేసినా ఓకే. అయితే కరోనా కారణంగా చాలా సినిమాలు వాయిదా పడుతూ వస్తున్నాయి. దీంతో నిర్మాతలు మాట్లాడుకుని డేట్స్‌ చెప్పాల్సి వస్తోంది. అలా సినిమాను ఆగస్టు 11న విడుదల చేయాలని చూస్తున్నారని టాక్‌.
అయితే ఇక్కడే సమస్య వచ్చి పడింది. ఇప్పటికే ఆ డేట్‌ను మూడు సినిమాలు రిజర్వ్‌ చేసుకున్నాయి. ఇప్పుడు చిరంజీవి వస్తున్నాడు అంటే వాళ్లు వెనక్కి వెళ్లాల్సి వస్తుంది. అందుకే ఆ డేట్ ఇప్పుడు సోషల్‌ మీడియాలో టాక్‌ ఆఫ్‌ ది డేగా మారింది. అఖిల్ – సురేందర్‌ రెడ్డి ‘ఏజెంట్’, సమంత ‘యశోద’, ఆమిర్ ఖాన్ ‘లాల్‌సింగ్ చద్దా’ విడుదల చేయాలనుకున్నారు. ఇప్పటికే రిలీజ్ డేట్లు అనౌన్స్‌ చేసేశారు కూడా.
ఆమిర్ ఖాన్‌ది పాన్ ఇండియా సినిమా కాబట్టి రిలీజ్ డేట్ మార్చే ప్ర‌సక్తే లేదు. బాలీవుడ్‌ సినిమా కాబట్టి మార్చాల్సిన అవసరం లేదు అనుకోవచ్చు. దీంతో అఖిల్, సమంత సినిమాలు మ‌రో డేట్ చూసుకోవాల్సి ఉంటుంది అంటున్నారు. ‘ఆర్ఆర్ఆర్’ కోసం అప్పుడు ‘ఆచార్య’ వెనక్కి తగ్గాడు. ఇప్పుడు ‘గాడ్‌ఫాదర్‌’ కోసం మిగిలినవాళ్లు వెనక్కి వెళ్లాల్సి వస్తుంది. మరి టాలీవుడ్‌ ఎలా స్పందిస్తుందో చూడాలి.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
