Chiranjeevi: సూపర్‌ ఫ్యాన్‌ తీసిన సినిమాను రెండుసార్లు చూసిన చిరు.. అంత నచ్చేసిందా?

సినిమాకు సినిమాకు మధ్య గ్యాప్‌ ఎక్కువగా ఉంటే పెద్ద ఇబ్బందేం లేదు. అయితే ఆ గ్యాప్‌ సీక్వెల్స్‌ మధ్య ఉంటే.. కాస్త కొత్తగానే ఉంటుంది. ఎందుకంటే సీక్వెల్‌కి కథ కోసం ఆటోమేటిగ్గా నేపథ్యం సెట్‌ అయి ఉంటుంది. సినిమా ఫలితం విషయంలో చిన్నపాటి అంచనా కూడా ఉంటుంది. ఇలాంటి పరిస్థితిలో ఓ సినిమా సీక్వెల్‌కి ఐదేళ్లు పట్టింది. అయితే ఇప్పుడు మరో సీక్వెల్‌కి అంత టైమ్‌ తీసుకోనక్కర్లేదు అని అంటున్నారు.

Chiranjeevi

ఎందుకంటే రెండో సీక్వెల్‌కి సినిమా టీమ్‌కి కావాల్సినంత కిక్‌, బూస్టింగ్‌ ప్రముఖ కథానాయకుడు చిరంజీవి (Chiranjeevi)  ఇచ్చేశారు. ఇటీవల జరిగిన ‘జీబ్రా’  (Zebra)  సినిమా ప్రమోషనల్‌ ఈవెంట్‌కి హాజరైన చిరంజీవి.. యంగ్‌ హీరోల గురించి, టాలీవుడ్‌ సినిమాల ఫలితాల గురించి మాట్లాడారు చిరంజీవి. ఈ క్రమంలో ‘మత్తు వదలరా 2’ (Mathu Vadalara 2)  సినిమా గురించి ఆసక్తికర కామెంట్స్‌ చేశారు. సినిమాను రెండుసార్లు చూశాను అని చెప్పారు.

దీంతో ‘మత్తు వదలరా 2’ సినిమా టీమ్‌ ఫుల్‌ హ్యాపీగా ఉంది. ఆ సినిమాను ఇన్నాళ్లూ చూసి ఎంజాయ్‌ చేస్తున్న ప్రేక్షకులకు కూడా మరింత బూస్ట్‌ వచ్చినట్లు అయింది. ఇక్కడో విషయం ఏంటంటే.. ఆ సినిమాను తెరకెక్కించిన నితీశ్‌ రాణా చిరంజీవికి వీరాభిమాని. ‘మత్తు వదలరా 2’ సినిమా ప్రారంభం, ముగింపు చిరంజీవి సినిమా పోస్టర్లతోనే ముగించారనే విషయం తెలసిందే.

‘మత్తు వదలరా’ సినిమాకు దక్కిన విజయంతో ‘మత్తు వదలరా 2’ సినిమా తీశారు నితీశ్‌ రాణా (Ritesh Rana), శ్రీ సింహా (Sri Simha), సత్యSatya). ఇప్పుడు చిరంజీవే సినిమాను రెండు సార్లు చూశాను అనేసరికి ఇక మూడో పార్టు కోసం ఎక్కువ సమయం తీసుకోరు అని అనుకోవచ్చు. మరి ఈసారి ఏం చేస్తారు, ఎలా చూపిస్తారు అనేది చూడాలి. అయితే ఈ సారి కూడా మత్తు పదార్థాల చుట్టూ తిరుగుతూనే.. అదిరిపోయే కామెడీని నితీశ్‌ రాణా రాసుకుంటారు అని ఊహించేయొచ్చు. అయితే ఎలా మిక్స్‌ చేస్తారు అనేదే ఇక్కడ విషయం.

అతని వల్ల మానసికంగా కృంగిపోయాను: టాలీవుడ్ హీరోయిన్