Vakeel Saab: తమ్ముడి పై ప్రశంసలు కురిపించిన మెగాస్టార్..!

April 10, 2021 / 11:19 AM ISTByFilmy Focus

Join Us

Vakeel Saab: తమ్ముడి పై ప్రశంసలు కురిపించిన మెగాస్టార్..!

పవర్ స్టార్ పవన్ కళ్యాణ్ నటించిన ‘వకీల్ సాబ్’ చిత్రం నిన్న విడుదలైంది. మొదటి షో తోనే ఈ చిత్రానికి సూపర్ హిట్ టాక్ రావడంతో రికార్డు ఓపెనింగ్స్ దిశగా దూసుకుపోతుంది అనే చెప్పాలి. దిల్ రాజు నిర్మించిన ఈ చిత్రానికి వేణు శ్రీరామ్ దర్శకుడు. ఈ చిత్రాన్ని వీక్షించిన టాలీవుడ్ సెలబ్రిటీలు సోషల్ మీడియా వేదికగా ప్రశంసలు కురిపిస్తున్నారు. 3 ఏళ్ళ తర్వాత పవన్ కళ్యాణ్ నుండీ వచ్చిన చిత్రమిది.. దాంతో అభిమానులు థియేటర్ల వద్ద పండుగ చేసుకుంటున్నారు.

లాయర్ సత్యదేవ్ పాత్రలో పవన్ కళ్యాణ్ పరకాయప్రవేశం చేసాడని వారంతా కామెంట్లు చేస్తున్నారు. తాజాగా మెగాస్టార్ చిరంజీవి కూడా తన ఫ్యామిలీతో ‘వకీల్ సాబ్’ ను వీక్షించిన సంగతి తెలిసిందే. కాగా మెగాస్టార్ చిరంజీవి తనదైన శైలిలో వకీల్ సాబ్ పై రివ్యూ ఇచ్చారు. ఆయన తన సోషల్ మీడియా ద్వారా ‘వకీల్ సాబ్’ పై స్పందిస్తూ…. “3 ఏళ్ళ తర్వాత పవన్ కళ్యాణ్ లో అదే వేడి.. అదే వాడి.. అదే పవర్. ప్రకాష్ రాజ్ తో కోర్ట్ రూమ్ డ్రామా అద్భుతంగా ఉంది.

నివేద థామస్, అంజలీ, అనన్య వారి పాత్రల్లో జీవించారు. సినిమాకు తమన్, డీవోపీ వినోద్ ప్రాణం పోశారు. అలాగే దిల్ రాజుకు, బోణి కపూర్ జీ కి, దర్శకుడు వేణు శ్రీరామ్ కు మిగతా టీమందరికి నా శుభాకాంక్షలు. అన్నింటింకి మించి మహిళలకు ఇవ్వాల్సిన గౌరవాన్ని తెలియజేసే ఒక అత్యవసరమైన చిత్రం ఇది. ఈ ‘వకీల్ సాబ్’ కేసులనే కాదు అందరి మనసులను గెలుస్తాడు” అంటూ పేర్కొన్నారు చిరు.

Terrific Act by @PawanKalyan
Riveting court room drama with @prakashraaj @i_nivethathomas @yoursanjali #Ananya @MusicThaman #DOPVinod did a Fab job! Congrats to #DilRaju @BoneyKapoor ji Dir #VenuSriram & Team.Most of all Hugely Relevant film on respecting women.#VakeelSaab WINS! pic.twitter.com/lTT0cYoyy7

— Chiranjeevi Konidela (@KChiruTweets) April 10, 2021