ఒక హీరో సినిమా షూటింగ్‌ స్పాట్‌కి మరో హీరో వెళ్లడం అంటే ఆసక్తే కదా. ఇలా గతంలోనూ వెళ్లేవారు, ఇప్పుడూ వెళ్తున్నారు. అయితే ఇప్పుడు సోషల్ మీడియాలో ఆ విషయాలు వెంటనే వచ్చేస్తున్నాయి. టీమ్‌లు కూడా ఆ విషయాన్ని సోషల్ మీడియాలో పెట్టి పెద్ద ప్రచారం చేస్తున్నాయి. కానీ సోషల్ మీడియాలో పెద్దగా లేని రోజుల్లో, అస్సలు లేని రోజుల్లో కూడా ఇలాంటివి జరిగేవి. అలా ‘బిల్లా’ సినిమా షూటింగ్‌ సమయంలో జరిగిన ఓ విషయాన్ని దర్శకుడు మెహర్‌ రమేశ్‌ చెప్పారు.
ప్రభాస్‌ ద్విపాత్రాభినయంతో అదరగొట్టిన సినిమా ‘బిల్లా’. సినిమా ఫలితం, వసూళ్లు పక్కన పెడితే.. ఆ సినిమాలో ప్రభాస్‌ లుక్‌, వాక్‌, స్క్రీన్‌ ప్రజెన్స్‌.. ఇలా అన్నీ అద్భుతం అనే చెప్పాలి. ఆ కటౌట్‌ సూటు బూటు వేసుకుని అలా నడుచుకుంటూ వస్తుంటే ఫ్యాన్సే కాదు.. ప్రేక్షకులు కూడా వావ్‌ అనుకుంటూ ఆశ్చర్యపోయారు. ఈ సినిమా దివంగత రెబల్‌ స్టార్‌ కృష్ణంరాజు నిర్మాణంలో తెరకెక్కింది. ఆ నిర్మాణ సంస్థ అంటే భలే సరదాగా ఉంటుంది అని చెబుతుంటారు. అలాంటి సరదాల మధ్యలోకి ఓసారి ఎన్టీఆర్ వచ్చాడట.
‘బిల్లా’ సినిమా కోసం కాఠ్‌మాండ్‌లో ఓ పెద్ద సీన్‌ తీస్తున్నారట. ఎయిర్‌పోర్ట్‌ రన్‌వే మీద ఆ సీన్‌ తీస్తుండగా.. అల్లంత దూరం నుండి ఓ వ్యక్తి సినిమా షూటింగ్‌ వైపు నడుచుకుంటూ వస్తున్నాడట. సినిమా టీమ్‌ మొత్తం ఎంత అరిచి గోల చేస్తున్నా.. పక్కకు జరగడం లేదట ఆ మనిషి. అలా ఎంత చెబుతున్నా వినకుండా.. కెమెరా ముందుకు వచ్చి నిలబడ్డాడట. ఎవరా అని చూస్తే.. ఎన్టీఆర్. సినిమా షూటింగ్‌ కోసమని వచ్చి.. టీమ్‌ను కలిశాడట.
ఆ తర్వాత అందరూ కలసి వండుకుని, తిని, మాట్లాడుకుని హ్యాపీగా ఎంజాయ్‌ చేశాం అని చెప్పారు దర్శకుడు మెహర్‌ రమేశ్‌. ఇదంతా ఇప్పుడు ఎందుకు బయటకు వచ్చింది అనుకుంటున్నారా.. ప్రభాస్‌ బర్త్‌డే సందర్భంగా ‘బిల్లా’ సినిమాను రీ రిలీజ్‌ చేస్తున్నారు. ఈ క్రమంలో ప్రచార కార్యక్రమంలో ఈ విషయం చెప్పుకొచ్చారు మెహర్‌ రమేశ్‌. అంతకుముందు ఇద్దరూ కలసి ‘కంత్రి’ సినిమా చేసిన విషయం తెలిసిందే.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
