బిగ్ బాస్ ఇల్లంటేనే ఎమోషన్స్ తో నిండిపోతుంది. బంధాలు – అనుబంధాలు చాలామందికి ఈ ఇంటితో ఏర్పడతాయి. ఇక ఈ ఇంట్లోకి వచ్చిన మనుషులు కొన్ని సందర్భాల్లో కొట్టుకున్నా కూడా ఆ తర్వాత ఒకరిపై ఒకరు అభిమానాన్ని పెంచుకుంటారు. అందుకే, బిగ్ బాస్ హౌస్ లోకి వెళ్లిన ప్రతి పార్టిసిపెంట్ ఎమోషన్ తో ఎప్పుడోకప్పుడు కళ్లనీళ్లు పెట్టుకోకమానడు. ప్రస్తుతం సిసింద్రీ టాస్క్ అయిపోయిన తర్వాత బిగ్ బాస్ బేబీ డాల్స్ ని స్టోర్ రూమ్ లో పెట్టమని చెప్పాడు.
దీంతో కొంతమంది హౌస్ మేట్స్ బొమ్మలని ఇచ్చేటపుడు కళ్లనీళ్లు పెట్టుకున్నారు. రేవంత్, ఆరోహి, మెరీనా ఇలా చాలా ఎమోషనల్ అయిపోయారు. ఇక్కడే బిగ్ బాస్ తో, హౌస్ మేట్స్ తో కొంతమంది హౌస్ మేట్స్ తమకి జరిగిన నష్టాన్ని, బేబీతో ఉన్న బంధాల గురించి మాట్లాడారు. మెరీనా రోహిత్ దంపతులిద్దరూ తమ జీవితంలో జరిగిన విషాద సంఘటనల గురించి చెప్పారు. మెరీనాకు రెండుసార్లు అబార్షన్స్ అయ్యాయి అని, అవి జీవితంలో మర్చిపోలేనని రోహిత్ ఏడుస్తూ చెప్పాడు.
ఫస్ట్ టైమ్ తను ప్రెగ్నెన్సీ కన్ఫార్మ్ అయినపుడు అందరికీ చాలా హ్యాపీగా చెప్పామని దీంతో అందరూ ఎంతో సంతోషించారని అన్నాడు. కానీ, లోపల బేబీ హార్ట్ బీట్ లేదని, కొన్నిరోజుల తర్వాత ఓవర్ బ్లీడింగ్ అయిపోయి మెరీనా చాలా బాధపడిందని చెప్పాడు. అంతేకాదు, ఆ దృశ్యాన్ని వర్ణిస్తుంటే హౌస్ మేట్స్ తట్టుకోలేకపోయారు. రేవంత్ వాష్ రూమ్ లోకి వెళ్లి ఏడుస్తూ పగవాడికి కూడా ఇలా జరక్కూడదంటూ బాధపడ్డాడు. కీర్తి, వాసంతీ, ఆరోహి ఇలా అందరూ కళ్లనీళ్లు పెట్టుకున్నారు.
ఇక రోహిత్ రెండోసారి కూడా తనకి ప్రెగ్నెన్సీ పోయిందని బాధతో చెప్పాడు. సెకండ్ టైమ్ తను కన్సీవ్ అయినపుడు ఎవరికీ చెప్పలేదని, హార్ట్ బీట్ అన్నీ చూసుకున్నాక అప్పుడు చెప్పామని అన్నాడు. ఈలోగా తన సొంత బ్రదర్ పెళ్లికి వెళ్లామని, పెళ్లి తెల్లారి అనగా వాష్ రూమ్ లో మెరీనాకి మరోసారి బ్లీడింగ్ అయిపోయి , ముద్దలాగా పడిందని, అది చేతిలో తీస్కుని నాకు చూపించిందని నేను తట్టుకోలేకపోయాని చెప్పాడు.
ఇంట్లో అమ్మా – నాన్నకి మాత్రమే విషయం చెప్పామని, మెరీనా బాధని తను అనుభవిస్తునే పెళ్లి ఎక్కడా డిస్టర్బ్ కాకుండా చూసిందని అన్నాడు. ఒక మూల కూర్చునే ఉండిపోయిందని తన బాధని వర్ణించి చెప్పాడు. మెరీనా దుఃఖంతో మాట కూడా మాట్లాడలేకపోయింది. రోహిత్ ఏడుస్తూ చాలాసేపు తమ జీవితంలో జరిగిన విషాద సంఘటనని బయటపెట్టాడు. దీంతో హౌస్ మేట్స్ అందరూ ఏడుస్తూ ఉండిపోయారు. మెరీనాని ఓదార్చే ప్రయత్నం చేశారు.
బేబీతో తనకి ఉన్న బంధాన్ని తనకి జరిగిన ప్రెగ్నెన్సీ లాస్ ని సుదీప కూడా బాధపడుతూ చెప్పింది. అంతేకాదు, కీర్తి తను పోగొట్టుకున్న పాపని తలుచుకుని వెక్కివెక్కి ఏడ్చింది. ఈ ఎమోషనల్ ఎపిసోడ్ ఎలా ఉండబోతోంది అనేది రేపటి ఎపిసోడ్ లో టెలికాస్ట్ కాబోతోంది.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
