‘లైగర్’లో మైక్‌ టైసన్‌ను చూసిన తర్వాత.. ఈ పాత్ర కోసం ఆయన్ను ఎందుకు తీసుకొచ్చార్రా బాబూ.. ఆయన్ని అలా చూపించకపోతేం. మరీ జోకర్‌లా చేసేశారు కదా అని ఫ్యాన్స్ హర్ట్‌ అవుతున్నారు. ఎందుకంటే అంత జోక్‌గా ఉంటుంది ఆ పాత్ర. ఆయన ఆ సినిమాలో నటించాడు అనే విషయం మరచిపోతే బాగుండు అని మైక్‌ టైసన్‌ ఫ్యాన్స్, సగటు సినిమా ఫ్యాన్స్, బాక్సింగ్ లవర్స్‌ అనుకుంటున్నారా? అయితే ఆ సినిమాలో నటించిన విషయం టైసన్‌ మరచిపోయాడా? అవుననే అనిపిస్తోంది పాత వీడియో చూస్తే..
‘లైగర్’ సినిమాకు అదనపు ఆకర్షణ తీసుకొచ్చేందుకు చిత్ర బృందం మైక్‌ టైసన్‌ను నటింపజేసింది. దాని కోసం చాలా కష్టపడ్డామని, నిర్మాత ఛార్మి చాలా కష్టపడి మరీ ఆయన్ను ఒప్పించిందని ఘనంగా చెప్పుకొచ్చారు దర్శకుడు పూరి జగన్నాథ్‌ ఇంకా హీరో విజయ్‌ దేవరకొండ. అయితే ఈ చిత్రంలో నటించిన విషయమే టైసన్‌ గుర్తులేదా? అవుననే అనిపిస్తోంది మైక్‌ టైసన్‌ వీడియో ఒకటి చూస్తే.. ఓ పాడ్‌కాస్ట్‌ వీడియోలో స్నేహితులతో కలిసి మాట్లాడుతుండగా.. ఈ విషయం బయటికొచ్చింది.
‘‘లైగర్’ సినిమాలో మీ పాత్ర ఏంటి?’ అని మైక్‌ టైసన్‌ను స్నేహితుడు ఒకరు అడిగారు. దానికి ఆయన కాస్త తికమక పడ్డారు. అలాంటి చిత్రంలో నటించిన విషయమే ఆయనకు గుర్తుకు రాలేదు. ‘ఏదీ మళ్లీ చెప్పు’ అని అడిగాడు టైసన్‌. వెంటనే ఆయన స్నేహితులు గూగుల్‌లో సెర్చ్‌ చేసి చూపించి ‘బాక్సింగ్ లెజెండ్‌ మైక్‌ టైసన్‌… ఓ ఇండియన్‌ స్పోర్ట్స్‌ యాక్షన్‌ ఫిల్మ్‌ లైగర్‌లో నటిస్తున్నారు’ అంటూ వార్తను చదివి వినిపించారు. అయితే అప్పటికీ మైక్‌కి ఆ విషయం గుర్తుకు రాలేదు.
అయితే ఇంకా ఎందుకు ఈ చర్చ అనుకున్నారో ఏమో.. ఆ షో హోస్ట్‌.. చర్చను ‘లైగర్’ జంతువు వైపు మళ్లించారు. ‘‘మీరు ‘లైగర్’తో పోటీ పడ్డారా’’ అని అడగ్గా లేదన్నాడు టైసన్‌. ‘లైగర్’కి ఎవరైనా ఎదురుపడితే రెండు సెకన్లలో చంపేస్తుంది అని టైసన్‌ వివరించే ప్రయత్నం చేశాడు. దీంతో ఇప్పుడు ఈ వీడియో వైరల్‌గా మారింది. అసలు సినిమాలో నటించిన విషయమై టైసన్‌కి గుర్తు లేకపోవడం ఏంటి అని ఫ్యాన్స్ చర్చించుకుంటున్నారు.
టైసన్‌కి ఏం చెప్పి ఆ సీన్స్‌ షూట్‌ చేయించారు అనే డౌట్‌ కూడా మొదలైంది. మామూలుగా అయితే ఇలాంటి కామెడీ పాత్రకు ఆయన ఎలా ఓకే చెప్పారు అనే డౌట్‌ ఉంది. అలాంటి సమయంలో ఇలా టైసన్‌ ‘లైగర్’ సినిమాను మరచిపోవడం ఏంటో అర్థం కావడం లేదు.
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
Home