హీరోయిన్ గా రెండు, మూడు సినిమాలు చేసినా రాని క్రేజ్ బిగ్ బాస్ షోతో సొంతం చేసుకుంది మోనాల్. గత సీజన్లతో పోలిస్తే ఈసారి బిగ్ బాస్ హౌస్ నుండి బయటకొచ్చిన కంటెస్టెంట్ లకు మంచి పాపులారిటీ దక్కింది. ముక్కు అవినాష్ ఖాతాలో ఇప్పటికే నాలుగు సినిమాలు, ఓ కామెడీ షో పడ్డాయి. సోహైల్ హీరోగా ఓ సినిమా మొదలైంది. అభిజిత్ కి కూడా సినిమా, వెబ్ సిరీస్ అవకాశాలు వస్తున్నాయి. ఇప్పుడు మోనాల్ కూడా తన క్రేజ్ చూపిస్తోంది. బెల్లంకొండ సాయి శ్రీనివాస్ హీరోగా నటిస్తోన్న ‘అల్లుడు అదుర్స్’ సినిమాలో మోనాల్ తో ఓ ఐటెం సాంగ్ ప్లాన్ చేస్తున్నారు.
ఈ పాట కోసం మోనాల్ ఏకంగా రూ.15 లక్షలు డిమాండ్ చేసిందని తెలుస్తోంది. అయితే ఈ పాట ఉండేది కేవలం మూడు నిమిషాలేనట. మూడు నిమిషాల పాటకి మోనాల్ లాంటి నటి పదిహేను లక్షలు డిమాండ్ చేయడం హాట్ టాపిక్ గా మారింది. అయితే మోనాల్ అడిగినంత ఇవ్వడానికి నిర్మాతలు రెడీ అయిపోయారు. ఈరోజే మోనాల్ సెట్స్ లో అడుగుపెట్టిందని సమాచారం. బిగ్ బాస్ షో ద్వారా కూడా మోనాల్ బాగానే సంపాదించింది.
ఈ షోతో అమ్మడుకి రూ.30 లక్షల వరకు రెమ్యునరేషన్ లభించిందట. ప్రస్తుతం ఈమె ‘మా’ టీవీలో ప్రసారమవుతున్న ఓంకార్ డాన్స్ షో ‘డాన్స్ ప్లస్’కి జడ్జిగా వ్యవహరిస్తోంది. ఈ షో ద్వారా ఎపిసోడ్ కి రూ.50 వేలు చొప్పున అందుకోబోతుందట. మొత్తానికి బిగ్ బాస్ షోతో మోనాల్ కి బాగానే గిట్టుబాటైందనిపిస్తోంది.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
