మహేష్ బాబు త్రివిక్రమ్ కాంబినేషన్ లో భారీ బడ్జెట్ తో హారిక హాసిని క్రియేషన్స్ బ్యానర్ లో ఒక సినిమా తెరకెక్కుతున్న సంగతి తెలిసిందే. జులై నుంచి ఈ సినిమా రెగ్యులర్ షూటింగ్ మొదలుకానుంది. చాలా కాలం క్రితమే ఈ సినిమా షూటింగ్ మొదలుకావాల్సి ఉండగా స్క్రిప్ట్ విషయంలో చేస్తున్న మార్పుల వల్ల ఈ సినిమా షూటింగ్ ఆలస్యమైంది. అయితే వేగంగానే ఈ సినిమా షూటింగ్ ను పూర్తి చేయనున్నారని తెలుస్తోంది.
మహేష్ పుట్టినరోజు కానుకగా ఆగష్టు 9వ తేదీన ఈ సినిమా నుంచి ఫస్ట్ లుక్ రిలీజ్ కానుందని సమాచారం అందుతోంది. ఆరోజే టైటిల్ కు సంబంధించి, సినిమా రిలీజ్ డేట్ కు సంబంధించి అధికారికంగా క్లారిటీ ఇచ్చే ఛాన్స్ ఉంది. త్రివిక్రమ్ శ్రీనివాస్ ఈ సినిమాకు సంబంధించి ప్రీ ప్రొడక్షన్ పనులకు ఎక్కువ సమయం కేటాయించడం వల్ల తక్కువ సమయంలోనే ఈ సినిమా షూట్ పూర్తయ్యే అవకాశం అయితే ఉంది.
మహేష్ కు జోడీగా పూజా హెగ్డే ఈ సినిమాలో నటిస్తుండగా థమన్ ఈ సినిమాకు మ్యూజిక్ అందిస్తున్నారు. బ్యాక్ టు బ్యాక్ బ్లాక్ బస్టర్ హిట్లను సొంతం చేసుకున్న మహేష్ బాబు తర్వాత ప్రాజెక్ట్ లతో కూడా సక్సెస్ ట్రాక్ ను కంటిన్యూ చేయాలని ఫ్యాన్స్ కోరుకుంటున్నారు. ఈ సినిమా తర్వాత మహేష్ రాజమౌళి కాంబినేషన్ లో ఒక సినిమా తెరకెక్కనున్న సంగతి తెలిసిందే.
మహేష్ భవిష్యత్తు ప్రాజెక్ట్ ల విషయంలో ఆచితూచి వ్యవహరిస్తున్నారు. మహేష్30 గురించి వేర్వేరు వార్తలు ప్రచారంలోకి వస్తున్నా కొరటాల శివ లేదా సుకుమార్ ఈ సినిమాకు దర్శకత్వం వహించే అవకాశాలు అయితే ఉన్నాయని బోగట్టా. మహేష్ ఒక్కో సినిమాకు 60 కోట్ల రేంజ్ లో రెమ్యునరేషన్ తీసుకుంటున్నారు. పాన్ ఇండియా హీరోగా గుర్తింపు దక్కితే మహేష్ రెమ్యునరేషన్ మరింత పెరిగే ఛాన్స్ అయితే ఉంది.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
Home