జెర్సీ చిత్రానికి సంగీతం అందించనున్న టాప్ మ్యూజిక్ డైరక్టర్!

వరుసగా విజయాలతో స్టార్ డమ్ తెచ్చుకున్న నేచురల్ స్టార్ నాని ప్రస్తుతం అక్కినేని నాగార్జునతో కలిసి మల్టీస్టారర్ మూవీ చేస్తున్నారు. శ్రీ రామ్ ఆదిత్య దర్శకత్వంలో తెరకెక్కనున్న ఈ చిత్రానికి దేవదాస్ అనే టైటిల్ ని కూడా ఫిక్స్ చేశారు. ఈ షూటింగ్ లో పాల్గొంటూనే శుక్ర, శనివారాల్లో బిగ్ బాస్ షో సీజన్ 2 కి హోస్ట్ గా వ్యవహరిస్తున్నారు. ఈ రెండింటిని సెప్టెంబర్ నాటికీ కంప్లీట్ చేసి కొత్త సినిమాని పట్టాలెక్కించనున్నారు. దీని తర్వాత “మళ్ళీరావా” ఫేమ్‌ గౌతమ్‌ తిన్ననూరి డైరెక్షన్‌లో “జెర్సీ” అనే సినిమాని చేయనున్న సంగతి తెలిసిందే. స్పోర్ట్స్‌ డ్రామా జోనర్ లో రూపుదిద్దుకోనున్న మూవీకి ప్రీ ప్రొడక్షన్ వర్క్ వేగంగా సాగుతోంది.

1980 -90ల మధ్యలో జరిగే ఈ స్టోరీలో నాని అర్జున్‌ పాత్రలో కనిపించనున్నారు. తన క్యారెక్టర్‌ కోసం నాని  క్రికెట్‌ ప్రాక్టీస్‌ కూడా చేయనున్నారని తెలిసింది. సితార ఎంటర్‌టైన్‌మెంట్స్‌ బ్యానర్‌పై సూర్యదేవర నాగవంశీ నిర్మించనున్న ఈ చిత్రం గురించి ఆసక్తికర విషయం బయటికి వచ్చింది. ఈ సినిమాకి తమిళ మ్యూజిక్ డైరక్టర్ అనిరుధ్ సంగీతాన్ని సమకూర్చనున్నట్టు తెలిసింది. అజ్ఞాతవాసి సినిమాతో తెలుగు వారికీ పరిచయమైన అనిరుధ్.. ఆ తర్వాత ఎన్టీఆర్, త్రివిక్రమ్ సినిమాకి సంగీతం అందించాల్సి ఉన్నింది. అజ్ఞాతవాసి హిట్ కాకపోవడంతో అతన్ని తప్పించి థమన్ ని తీసుకున్నారు. దాంతో అనిరుధ్ తెలుగులో మంచి కొట్టాలని చూస్తున్నారు. గౌతమ్‌ తిన్ననూరి చెప్పిన కథ నచ్చడంతో ఒకే చెప్పారు. మరి ఎటువంటి సంగీతాన్ని అందిస్తారో చూడాలి.