నన్ను మొదటి నుండీ ప్రోత్సహించిన మెగాస్టార్ ను డైరెక్ట్ చేయాలనుంది..!

ప్రముఖ కొరియోగ్రాఫర్, డైరెక్టర్, రాఘవ లారెన్స్ హీరోగా ‘కాంచన 3’ రూపొందుతున్న సంగతి తెలిసిందే. స్వయంగా లారెన్సే డైరెక్ట్ చేసిన ఈ చిత్రం సమ్మర్ కానుకగా తెలుగు, తమిళ భాషల్లో ఇక కాలంగా రిలీజ్ కాబోతుందని సమాచారం. ఇక లారెన్స్ సరసన వేదిక .. ఓవియా హీరోయిన్లుగా నటిస్తున్న సంగతి తెలిసిందే. హారర్ థ్రిల్లర్ గా రూపొందిన ఈ చిత్రం రూపొందుతుంది. ఇక ఈ చిత్రానికి సంబందించిన ప్రమోషన్లను కూడా మొదలుపెట్టేసారు. ఇందులో భాగంగా తాజాగా ఈ చిత్రానికి సంబంచిన ట్రైలర్ ను విడుదల చేసారు. ఇదిలా ఉంటే లారెన్స్ ఇంత పెద్ద స్థాయికి ఎదగడానికి మెగాస్టార్ చిరంజీవి, అక్కినేని నాగార్జున ప్రోత్సాహం ఎంతో ఉందని అందరికీ తెలిసిన సంగతే. ఆ కృతజ్ఞతతో నాగార్జునతో ఇప్పటికే రెండు చిత్రాలని తీసి నాగార్జున క్రేజ్ మరింత పెంచాడు లారెన్స్. కానీ మెగాస్టార్ తో మాత్రం లారెన్స్ కి ఆ లోటు తీరలేదనుకుంట.అందుకే చిరంజీవిని డైరెక్ట్ చేయాలనుందని లారెన్స్ ఆశపడుతున్నాడు.

•  ఐరా రివ్యూ కోసం ఇక్కడ క్లిక్ చేయండి 
• మెగా అభిమానులు నన్ను వాళ్ళ సొంత చెల్లెల్లా చూసుకుంటారు : నీహారిక కొణిదెల

‘కాంచన’ ట్రైలర్ వేడుకలో భాగంగా లారెన్స్ తన మనసులోని కోరికను భయటపెట్టాడు. లారెన్స్ మాట్లాడుతూ .. ” ‘కాంచన 3’ కూడా అన్నివర్గాల ప్రేక్షకులను ఆకట్టుకునేలా ఉంటుంది. తెలుగులో నేరుగా సినిమాలు చేయాలనే ఉద్దేశంతో కథలను సిద్ధం చేసుకుంటున్నాను. మొదటి నుండీ నన్ను ఎంతగానో ప్రోత్సహించిన చిరంజీవిగారితో ఒక సినిమా చేయాలనుంది. మరి ఆ కోరిక ఎప్పుడు నెరవేరుతుందో చూడాలి” అంటూ చెప్పుకొచ్చాడు లారెన్స్.