Sudheer: ‘గాలోడు’ సినిమా ఫలితం గురించి నాగబాబు ఆసక్తికర కామెంట్లు..!

‘జబర్దస్త్’ కమెడియన్ గా, టీం లీడర్ గా మంచి పేరు సంపాదించుకున్నాడు సుడిగాలి సుధీర్. ఇతనిలో మంచి టాలెంట్ ఉందని మొదటి నుండి కామెంట్లు వినిపించేవి. బుల్లితెర పై స్టార్ గా రాణిస్తున్న సుధీర్.. సినిమాల్లోకి కూడా ఎంట్రీ ఇచ్చి అడపా దడపా సినిమాల్లో నటించాడు. ఇతనికి హీరోగా కూడా మంచి అవకాశాలు లభిస్తున్నాయి. మొదటి సినిమా ‘సాఫ్ట్ వేర్ సుధీర్’ మూవీ నెగిటివ్ టాక్ ను మూటగట్టుకున్నప్పటికీ మంచి కలెక్షన్లు సాధించింది.

తర్వాత కొంచెం గ్యాప్ తీసుకుని ‘గాలోడు’ అనే మూవీలో హీరోగా నటించాడు సుధీర్. ఈ సినిమాకి మొదటి రోజు మిక్స్డ్ టాక్ వచ్చింది. కానీ ఓపెనింగ్స్ మాత్రం చాలా బాగా వచ్చాయి. నవంబర్ వంటి అన్ సీజన్లో కూడా ‘గాలోడు’ అనే మూవీ బ్రేక్ ఈవెన్ సాధించింది.అది కేవలం సుధీర్ క్రేజ్ వల్లే అని చెప్పాలి. కొంతమంది స్టార్ కిడ్స్ కు కూడా సాధ్యం కాని ఫీట్ ను సుధీర్ సాధించాడు.

ఇక ‘గాలోడు’ రిజల్ట్ గురించి అలాగే సుధీర్ గురించి నాగబాబు స్పందించాడు. ” ‘గాలోడు’ సినిమాకి ప్రేక్షకుల నుండి చాలా మంచి స్పందన లభిస్తోంది. సుడిగాలి సుధీర్ మాస్ హీరో అయ్యాడు. అతను మాస్ హీరో అవుతాడు అని నేను 8 ఏళ్ళ క్రితమే చెప్పాను. ఇప్పుడది నిజమైంది. నాకు చాలా సంతోషంగా ఉంది. ఎవరైతే ఇక్క కష్టపడతారో వాళ్లకు విజయం తప్పకుండా వరిస్తుంది.

సుధీర్.. హార్డ్ వర్క్ ను మాత్రం వదలొద్దు’ అంటూ నాగబాబు చెప్పుకొచ్చారు. ‘జబర్దస్త్’ కు నాగబాబు జడ్జిగా చేసినప్పుడు.. సుధీర్ పై ప్రశంసలు కురిపించేవాడు.అలాగే సుధీర్ కూడా నాగబాబుని డాడీ డాడీ అంటూ ఆప్యాయంగా పలకరించేవాడు.

ఆహ నా పెళ్లంట వెబ్ సిరీస్ రివ్యూ& రేటింగ్!
గాలోడు సినిమా రివ్యూ & రేటింగ్!

మసూద సినిమా రివ్యూ & రేటింగ్!
సూపర్ స్టార్ కృష్ణ ట్రెండ్ సెట్టర్ అనడానికి 10 కారణాలు!