నాగ చైతన్య-సమంతల గతేడాది అక్టోబర్లో విడాకులు తీసుకుంటున్నట్టు ప్రకటించారు.నిజానికి దానికంటే రెండు నెలల ముందు నుండే వారు వేరుగా ఉంటున్నారు. అంటే ఆగస్టులో అనుకున్నా.. వాళ్ళు విడిపోయి ఇప్పటికి సంవత్సరం పూర్తయినట్టే. అయితే ఇప్పటికీ చై-సామ్‌ విడాకులు వ్యవహారం పై చర్చలు జరుగుతూనే ఉన్నాయి.ఈ విషయాన్ని వారి అభిమానులు ఇప్పటికీ జీర్ణించుకోలేకపోతున్నారు. అందుకే ఇలా డిస్కషన్లు జరుగుతున్నాయి. సినిమా ప్రమోషన్లో భాగంగా వీళ్ళు ఎక్కడ కనిపించినా మీడియా కూడా ఈ విషయం పై ప్రశ్నలు వేస్తూ వీరిని విసిగిస్తుంది.
తాజాగా లాల్‌ సింగ్ చద్దా ప్రమోషన్స్‌లో చైతన్యకి కూడా ఇలాంటి ప్రశ్నలు ఎన్నో ఎదురయ్యాయి. అప్పటివరకు కూల్ గా సమాధానం చెబుతూ వచ్చిన చైతు ఇప్పుడు తన ఫ్రస్ట్రేషన్ ను బయటపెడుతూ వస్తున్నాడు. ఇది గమనించిన ఓ యాంకర్ విడాకుల గురించి కాకుండా సమంత పై తన అభిప్రాయాన్ని తెలియజేయమని చైతన్య ని అడిగింది. అందుకు అతను మాట్లాడుతూ.. ” సమంత అంటే నాకు ఇప్పటికీ గౌరవం ఉంది. అది ఎప్పటికీ పోదు.
ఓ అండర్‌స్టాండింగ్‌తోనే మేమిద్దరం విడాకులు తీసుకున్నాం. ఆ టైంలో కూడా మాకు ఒకరిపై మరొకరికి గౌరవం ఉంది. మా మధ్య ఏం జరిగిందో అదే చెప్పాము. అంతకు మించి ఏదో మా మధ్య జరిగిందని జనాలు భావిస్తున్నారు.మొదట్లో మా పై వస్తున్న వార్తలు చూసి విసుగు వచ్చేది. పర్సనల్ లైఫ్ కి, ప్రొఫెషనల్ లైఫ్ కి ఒక గీత గీయాలి. అప్పుడే ప్రశాంతంగా ఉండగలుగుతాం. రెండు కలిపి చూడకూడదు.
డెడికేషన్ తో చేసే పని మనల్ని ఎప్పుడూ గెలిపిస్తుంది. పుకార్లను పట్టించుకోకూడదు. పుకార్లు పుకార్లకే సమాధానం చెబుతాయి. ఇవాళ ఒకటి వస్తే రేపు మరొకటి. కాబట్టి వాటిని పట్టించుకోకుండా మనం ఏం చేయాలనుకుంటున్నామో దాని పై ఫోకస్ పెట్టి ముందుకు సాగాలి’ అంటూ చైతన్య చెప్పుకొచ్చాడు.అయితే సమంత మాత్రం చైతన్య పై కోట్స్ వంటివి పెట్టి పరోక్షంగా విమర్శిస్తున్న సంగతి తెలిసిందే.
Most Recommended Video
సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
Home