టాలీవుడ్ డైరెక్టర్లలో ఒకరైన శేఖర్ కమ్ముల లవ్ స్టోరీ సినిమాతో మరో సక్సెస్ ను ఖాతాలో వేసుకున్నారు. ఈ నెల 24వ తేదీన విడుదలైన లవ్ స్టోరీ మూవీకి భారీస్థాయిలో కలెక్షన్లు వస్తున్నాయి. సాయిపల్లవి ఈ సినిమా సక్సెస్ కావడానికి ఒక విధంగా కారణమని చెప్పవచ్చు. సాయిపల్లవి తన నటనతో ప్రేక్షకులను ఎంతగానో ఆకట్టుకున్నారు. తాజాగా లవ్ స్టోరీ చిత్రబృందం సక్సెస్ మీట్ ను ఏర్పాటు చేసింది. ఈ సినిమా ఈవెంట్ లో నాగచైతన్య మాట్లాడుతూ ఆసక్తికర విషయాలను వెల్లడించారు.
తాను హీరోగా తెరకెక్కిన ప్రతి సినిమా రిలీజైన సమయంలో తొలిరోజు ప్రేక్షకుల స్పందనతో పాటు క్రిటిక్స్ ఏమనుకుంటారో తెలుసుకుంటానని నాగచైతన్య అన్నారు. లవ్ స్టోరీ సినిమా థియేటర్లలో రిలీజ్ కావడంతో ఎంతో ఆనందించానని నాగచైతన్య పేర్కొన్నారు. థియేటర్లకు వచ్చి లవ్ స్టోరీ సినిమాను చూసి హిట్ చేసిన అభిమానులందరికీ థ్యాంక్స్ అని నాగచైతన్య తెలిపారు. డైరెక్టర్ శేఖర్ కమ్ముల నుంచి తాను ఎన్నో విషయాలను తెలుసుకున్నానని నాగచైతన్య చెప్పుకొచ్చారు. లవ్ స్టోరీ రిలీజ్ కావడంతో ఈ సినిమా ప్రయాణం ఆగిపోతుందని అనిపిస్తోందని ఈ ప్రయాణాన్ని ఆపవద్దని నాగచైతన్య పేర్కొన్నారు.
శేఖర్ కమ్ముల దర్శకత్వంలో మరో సినిమాలో నటించాలని ఉందని నాగచైతన్య చెప్పకనే చెప్పేశారు. నాగచైతన్య శేఖర్ కమ్ముల కాంబినేషన్ లో మరో సినిమా వస్తుందేమో చూడాల్సి ఉంది. హీరోయిన్ సాయిపల్లవి మాట్లాడుతూ అన్నమయ్య సినిమాను 100సార్లు చూశానని చిత్రబృందం సమిష్టి కృషి వల్ల లవ్ స్టోరీ సక్సెస్ సాధించిందని చెప్పుకొచ్చారు.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
