Naga Chaitanya, Sai Pallavi: ‘లవ్‌స్టోరీ’ ముద్దు గురించి ఆసక్తికర విషయం

October 3, 2021 / 03:10 PM ISTByFilmy Focus

Join Us

Naga Chaitanya, Sai Pallavi: ‘లవ్‌స్టోరీ’ ముద్దు గురించి ఆసక్తికర విషయం

‘ఏంది ముద్దు పెడితే ఏడుస్తారా అబ్బా…’ ఈ డైలాగ్‌ గుర్తుందా?…. గుర్తుండే ఉంటుంది లెండి అంత బాగా చూపించారు మరి ‘లవ్‌స్టోరీ’ ట్రైలర్‌లో ఆ సీన్‌ని. అయితే ఆ ముద్దు వెనుక అంతకంటే అద్భుతమైన విషయం ఉందని తెలుసా? ఆ మధ్య ఒకసారి సాయిపల్లవి ఆ ముద్దు ఒరిజినల్‌ ముద్దు కాని అని చెప్పింది అనుకోండి. కానీ ముద్దు కాని ఆ ముద్దు సీన్‌ కోసం నాగచైతన్య ఆరు గంటలు తీసుకున్నాడని తెలుసా?

ట్రైలర్‌లో అప్పుడు, సినిమాలో ఇప్పుడు ఆ సీన్‌ చూస్తే… ఈ విషయం మీకు కూడా తెలుస్తుంది. ఏముంది మెట్రో ట్రైన్‌లో కూర్చున్న నాగచైతన్యకు, పక్కనే కూర్చున్న సాయిపల్లవి వచ్చి లిప్‌లాక్‌ ఇస్తుంది. దానికి చైతు రియాక్ట్‌ అయ్యి… కన్నీళ్లు పెట్టుకుంటాడు. చెప్పడానికి సులభంగానే కనిపిస్తున్నా… ఈ సీన్‌ కోసం చిత్రబృందం ఒకటి కాదు, రెండు కాదు ఏకంగా ఆరు గంటలు కష్టపడిందట. చైతన్య నుండి పర్‌ఫెక్ట్ ఎక్స్‌ప్రెషన్‌ కోసం ఆ పని చేశారట.

డైలాగ్‌లో చెప్పినట్లు… ఆ సీన్‌లో చైతన్య కళ్లెంబడి నీళ్లు తిరుగుతాయి. ఆ సీన్‌ చూడటానికి అద్భుతంగా ఉంటుంది. అది నిజం ముద్దు కాదు… ఫీల్‌ నటించాలి. అందులోనూ ఒరిజినల్‌గా కనిపించాలి. ఆ ఎక్స్‌ప్రెషన్స్‌ ఫీల్‌ కోసం శేఖర్‌ కమ్ముల పట్టుబట్టారట. తనకు కావాల్సినట్లు సీన్‌ వచ్చేంతవరకు రీటేక్‌లు చేస్తూనే ఉన్నారట. అలా ఆ సీన్‌ కోసం సుమారు ఆరు గంటలు మెట్రోలోనే ఉన్నారట టీమ్‌ అంతా. అంత కష్టపడి చేసిన సీన్‌ నడివి ఓ 25 సెకన్లు ఉంటుంది. కానీ ఫీల్‌ ముందు ఈ కష్టం లెక్కలోకి రాదు కదా. అందుకే అంత కష్టపడ్డారు.