చైతూ చాలా మంచోడంటున్న మారుతి!

ఎన్నో ఆశలు, భారీ అంచనాల నడుమ విడుదలైన “యుద్ధం శరణం” రిజల్ట్ తో కాస్త డీలాపడిన నాగచైతన్య అక్టోబర్ 6న తన ప్రియురాలు సమంతతో కలిసి ఏడడుగులు వేసేందుకు సన్నద్ధమవుతున్నాడు. పెళ్లి తర్వాత హనీమూన్ ట్రిప్ కోసం 20 రోజులపాటు ఫారిన్ కంట్రీ వెళ్లనున్న నాగచైతన్య ఆ తర్వాత మారుతి దర్శకత్వంలో ఓ సినిమా సైన్ చేసిన విషయం తెలిసిందే.

ప్రస్తుతం “మహానుభావుడు” చిత్రానికి తుది మెరుగులు దిద్దుతున్న మారుతి.. ఆ సినిమా అనంతరం నాగచైతన్య కోసం ఒక స్క్రిప్ట్ తయారు చేసి దానికి “మంచోడు” అనే టైటిల్ ను కూడా ఫిక్స్ చేశాడు. ఈ సినిమాలో సమంత హీరోయిన్ గా నటించే అవకాశాలున్నాయని వార్తలొచ్చినప్పటికీ.. దాన్ని నాగచైతన్య కొట్టిపాడేశాడు. పూజా హెగ్డే కానీ.. “ప్రేమమ్” ఫేమ్ మడోన్నా సెబాస్టియన్ గానీ కథానాయికగా నటించే అవకాశాలున్నాయని తెలుస్తోంది. మరి మంచోడిగా నాగచైతన్య ఏమేరకు అలరించి.. ఒక హిట్ అందుకోంటాడో చూడాలి.

Also, do SUBSCRIBE to our YouTube channel to get latest Tollywood updates.