టాలీవుడ్ యంగ్ హీరో నాగశౌర్య వరుస సినిమాలను లైన్ లో పెడుతున్నాడు కానీ ఒక్క హిట్టు కూడా అందుకోలేకపోతున్నాడు. ఈ ఏడాది ‘వరుడు కావలెను’, ‘లక్ష్య’ సినిమాలతో ప్రేక్షకుల ముందుకు వచ్చాడు శౌర్య. కానీ ఆ రెండూ ఆశించిన ఫలితాన్ని ఇవ్వలేదు. దాంతో తన తదుపరి సినిమాలపై ఆశలు పెట్టుకున్నాడు. ప్రస్తుతం శౌర్య చేతిలో మూడు సినిమాలు ఉన్నాయి. అవసరాల శ్రీనివాస్ దర్శకత్వంలో ‘ఫలానా అబ్బాయి ఫలానా అమ్మాయి’ అనే సినిమా చేస్తున్నాడు శౌర్య.
అలానే రాజేంద్ర దర్శకత్వంలో ‘పోలీసు వారి హెచ్చరిక’ అనే మరో సినిమాలో నటిస్తున్నాడు. అనీల్ కృష్ణతో తన సొంత బ్యానర్ లోనే ఓ సినిమాను రెడీ చేస్తున్నాడు. ఇప్పుడు ఈ మూడు సినిమాలు కాకుండా.. మరో ఇంట్రెస్టింగ్ ప్రాజెక్ట్ కి లైన్లో పెట్టినట్లు తెలుస్తోంది. ‘ది ఫ్యామిలీ మ్యాన్’ సిరీస్ తో నేషనల్ లెవెల్ లో పాపులారిటీ దక్కించుకున్న రాజ్ అండ్ డీకేలతో ఓ సినిమా చేయబోతున్నాడు ఈ కుర్ర హీరో.
అయితే రాజ్ అండ్ డీకే ఈ ప్రాజెక్ట్ ను డైరెక్ట్ చేయరట. కేవలం నిర్మాతలుగా వ్యవహరిస్తారని తెలుస్తోంది. గతంలో కూడా వీరు ‘డీ ఫర్దోపిడీ ‘, ‘సినిమా బండి’ వంటి సినిమాలను నిర్మించారు. ఇప్పుడు నాగశౌర్యతో సినిమా ప్లాన్ చేశారట. ‘సినిమా బండి’ తీసిన ప్రవీణ్ కాండ్రేగులకే దర్శకత్వ బాధ్యతలు అప్పగించినట్లు సమాచారం.
అదే గనుక నిజమైతే.. ఇదొక క్రేజీ కాంబినేషన్ అనే చెప్పాలి. ‘సినిమా బండి’తో విమర్శకుల ప్రశంసలు పొందాడు దర్శకుడు ప్రవీణ్. లిమిటెడ్ సోర్స్, బడ్జెట్ లో మంచి సినిమాను తీశాడు. అలాంటి డైరెక్టర్ ఇప్పుడు నాగశౌర్యను డైరెక్ట్ చేయాలనుకోవడం.. దానికి రాజ్ అండ్ డీకే నిర్మాతలు కావడం విశేషం.
Most Recommended Video
83 సినిమా రివ్యూ & రేటింగ్!
వామ్మో.. తమన్నా ఇన్ని సినిమాల్ని మిస్ చేసుకుండా..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
